“სერბეთი კოსოვოში თუ შეიჭრება, უკრაინა კოსოვოელებს უნდა დაეხმაროს” – ალექსი გონჩარენკო

სერბეთი კოსოვოში თუ შეიჭრება, უკრაინა კოსოვოელებს უნდა დაეხმაროს, – ამის შესახებ უკრაინის უმაღლესი რადის დეპუტატი Twitter-ზე წერს.

„თუ სერბეთი შეიჭრება კოსოვოში, ჩვენ უნდა დავიცვათ კოსოვოელები. უკრაინა მზად არის, იმოქმედოს ჩვენს ჯარებთან ერთად ადგილზე. სერბეთი აგრესიული ომის დაწყებას ცდილობს, ზუსტად პუტინის მეთოდით. როგორც ვთქვი, სერბეთი არის პუტინის ტროას ცხენი ევროპაში. ომი მსოფლიოს ნებისმიერ წერტილში საშინელებაა. რეალობა, რომელშიც მთელი უკრაინა ხუთი თვის განმავლობაში ცხოვრობს, კოსოვოში მივიდა. ჩვენ ვიცით, როგორია ასე ცხოვრება. ჩვენ გვინდოდა, რომ მსოფლიოს ომები შეეჩერებინა და არ დაეწყო ისინი. მსოფლიომ საბოლოოდ უნდა გაიგოს, რომ რუსეთი, პუტინი და ყველა მათი „მოკავშირე“ არის კონფლიქტებისა და ომების მიზეზი“, – წერს ალექსი გონჩარენკო.

მედიის ცნობით, კოსოვოს ჩრდილოეთით სროლისა და საჰაერო განგაშის ხმა ისმის.