დღეს ნატო-ს მხრიდან არ ისმის აქტიური საუბარი გაფართოებასთან დაკავშირებით, რასაც კონკრეტული მიზეზები აქვს -ირაკლი კობახიძე
89
0
დღეს ნატო-ს მხრიდან არ ისმის აქტიური საუბარი გაფართოებასთან დაკავშირებით, რასაც კონკრეტული მიზეზები აქვს, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს ხაშურში განუცხადა.
პრემიერის თქმით, ნატო-ს არ აქვს დღეს გაფართოების ამოცანა, იმ ვითარებიდან გამომდინარე, რაც არის შექმნილი რეგიონში.
„თვითონ ნატო-ს არ აქვს დღეს გაფართოების ამოცანა, იმ ვითარებიდან გამომდინარე, რომელიც არის შექმნილი რეგიონში. უკრაინის, საქართველოს კუთხით გაფართოებაზე ნატო აქტიურად ვერ საუბრობს. ვითარება როცა შეიცვლება რეგიონში, როდესაც დამშვიდდება ვითარება, შეიძლება საერთო მოცემულობაც შეიცვალოს, მაგრამ გაფართოებასთან დაკავშირებით დღეს ნატო-ს მხრიდან აქტიური საუბარი არ ისმის, რასაც კონკრეტული მიზეზები აქვს“, – განაცხადა პრემიერმა.
