8 ნოემბრის ასტროლოგიური პროგნოზი

ვერძი

მშვიდად იმუშავეთ – ნაჩქარევმა პასუხმა ან გადაწყვეტილებამ შეიძლება ბევრი პრობლემა შეგიქმნათ. წარსულის ზოგი მოვლენა თქვენს ცხოვრებაში ისევ დაბრუნდება. გახსოვდეთ საკუთარი გამოცდილება და ძველ შეცდომებს ნუ გაიმეორებთ. ვარსკვლავები გირჩევენ, შექმნილი ვითარება კონკურენტების ჩამოცილებისა და საკუთარი მდგომარეობის გაუმჯობესებისთვის გამოიყენოთ.

კურო

ამ დღეს გარშემო მყოფები და კოლეგები ისე გაღიზიანებთ, რომ სიმშვიდის შენარჩუნება გიჭირთ. ყველაფრის მიუხედავად, კამათს და დაპირისპირებას უნდა ერიდოთ, რომ მნიშვნელოვანი ურთიერთობები არ გააფუჭოთ. გახსოვდეთ, რომ ყოველთვის მართალი ვერ იქნებით. გარკვეული საკითხების გადასაჭრელად თქვენი უნარები და გამოცდილება შეიძლება საკმარისი არ იყოს. საღამოს უპირატესობა მიანიჭეთ ნაცნობ და სასიამოვნო აქტივობებს, რომლებიც დაგამშვიდებთ.

ტყუპები

გაღიზიანება და ცუდი განწყობა მუშაობაში და სასურველი შედეგის მიღებაში ხელს გიშლით, ამიტომ ეცადეთ, კამათში არ ჩაერიოთ, მეტი უსმინოთ და ნაკლები ილაპარაკოთ. ხელსაყრელი დღეა წარსული შეცდომების გამოსწორებისა და თვითანალიზისთვის. ბაზარში ან მაღაზიაში საყიდლებზე გასვლისას სიფრთხილე გამოიჩინეთ – მოსალოდნელია თაღლითობა ან ფულის დაკარგვა.

კირჩხიბი

ამ დღეს აქტიურობას უნდა მოერიდოთ. ეცადეთ, ცვალებად გარემოებებს მოერგოთ და კომპრომისული გადაწყვეტილებები მოძებნოთ. გირჩევთ, ოჯახის წევრებს საკუთარი განცდებისა თუ პრობლემების შესახებ გულწრფელად უამბოთ. თავი შეიკავეთ ყველაფრისგან, რამაც შეიძლება დაგაზარალოთ. განსაკუთრებით ავტომობილის სწრაფ მართვას და მჭრელ საგნებთან ურთიერთობას მოერიდეთ.

ლომი

რთული და სტრესული დღეა. შეიძლება პრობლემები ყველაზე მოულოდნელ დროს შეგექმნათ, მაგრამ სიმშვიდე შეინარჩუნეთ და ურთიერთობის გარკვევას მოერიდეთ. დღის მეორე ნახევარში ემოციური ფონი შემცირდება და ურთიერთობა გაადვილდება. თავი შეიკავეთ ხორციანი საკვებისა და ალკოჰოლური სასმელების მოხმარებისგან – გამორიცხული არ არის ინტოქსიკაცია და ჯანმრთელობის პრობლემები.

ქალწული

შესაძლია, ამ დღეს წარსულის რომელიღაც შეცდომა გაიმეოროთ. გირჩევთ საკუთარი გამოცდილება გაიხსენოთ და პრობლემისადმი მიდგომა შეცვალოთ. აკონტროლეთ საკუთარი ემოციები, რომ ის არ გააკეთოთ, რასაც დიდხანს ინანებთ. სავარაუდოდ, ადამიანებთან კომუნიკაციის დამყარების უნარი ფინანსურ წარმატებაში დაგეხმარებათ.

სასწორი

რთული დღეა. ვარსკვლავები უფროსებთან ან პარტნიორებთან მოსალოდნელი კონფლიქტის შესახებ გაფრთხილებენ. შესაძლოა, მოულოდნელმა ამბავმა გეგმების შეცვლა გაიძულოთ. არ არის გამორიცხული ჯანმრთელობასთან დაკავშირებული გართულებები. გირჩევთ, მეგობრის ან საყვარელი ადამიანის რჩევებს დაუჯეროთ.

მორიელი

ეცადეთ, მთელი დღე მოვლენების ცენტრში იტრიალოთ და თქვენთვის საინტერესო პროცესები აკონტროლოთ. გადაწყვეტილებები სწრაფად უნდა მიიღოთ, წინააღმდეგ შემთხვევაში პრობლემა გაიზრდება და გამრავლდება. კარგი დღეა ძველი საქმეების დასასრულებლად. ამ დღეს მხოლოდ სახლი და აგარაკი კი არა, პირველ რიგში, საკუთარი გრძნობები უნდა მოაწესრიგოთ. ეს საშუალებას მოგცემთ, მომავალს უფრო ოპტიმისტურად შეხედოთ.

მშვილდოსანი

ფრთხილად იყავით – შეიძლება ერთმა დაუფიქრებლად ნათქვამმა სიტყვამ დიდი ხნის მანძილზე ნაშენები ურთიერთობა დაასრულოს. ძველი შეცდომები არ გაიმეოროთ, მხოლოდ წინ იყურეთ და არ დაუბრუნდეთ იმას, რაც უკვე დაასრულეთ. ვარსკვლავები გირჩევენ, რომ სხვა ადამიანების მოსაზრებებს მეტი პატივისცემით მოეკიდოთ. ყოველგვარი აგრესია გამორიცხეთ.

თხის რქა

ფრთხილად იმუშავეთ და ნებისმიერ წვრილმანს ყურადღება მიაქციეთ, რადგან ამ დღეს დაშვებული შეცდომის გამოსწორება ძნელი იქნება. ხელსაყრელი დღეა კარიერული წინსვლისთვის. კარგად დაფიქრდით, ვინ ან რა გართმევთ ენერგიას და თავიდან მოიცილეთ. სასურველია, რომ ამ დღეს დაგეგმილი შეხვედრები სხვა დროისთვის გადაიტანოთ და სტუმრად მიწვევაზე თავაზიანი უარით უპასუხოთ. მოერიდეთ მძიმე ფიზიკურ სამუშაოს – შესაძლებელია ქრონიკული დაავადებების გამწვავება.

მერწყული

მოვლენებით დატვირთული დღეა. დილიდან პრობლემის გადაჭრა და უსიამოვნებების დაძლევა მოგიწევთ. ყველაფრის მიუხედავად, შეინარჩუნეთ პოზიტიური დამოკიდებულება და წვრილმანებზე არ ინერვიულოთ. უმჯობესია მნიშვნელოვანი საქმეები სხვა დღისთვის გადადოთ. სავარაუდოდ, ძველი კავშირების განახლება შემოსავლის ახალი წყაროების პოვნაში დაგეხმარებათ.

თევზები

ეს დღე მნიშვნელოვანი საქმეების დასაწყებად არახელსაყრელია, ამიტომ შეხვედრები და მოლაპარაკებები სხვა დროისთვის უნდა გადადოთ. არსებობს კონფლიქტური სიტუაციებისა და კონფლიქტების ალბათობა, ამიტომ საკუთარი სიტყვები და ემოციები უნდა აკონტროლოთ. შემთხვევით გაცნობილი ადამიანი თქვენს ცხოვრებაში მნიშვნელოვან კვალს დატოვებს. შესაძლოა, სიყვარული იქ იპოვოთ, სადაც არ ელით.