1. Home
  2. TOP სიახლე
  3. 10 თებერვლის ასტროლოგიური პროგნოზი
10 თებერვლის ასტროლოგიური პროგნოზი

10 თებერვლის ასტროლოგიური პროგნოზი

2.81K
0

ვერძი

მძიმე და დატვირთული კვირის შემდეგ შეგიძლიათ თავს მოდუნების და დასვენების უფლება მისცეთ. მცირე, თითქმის უმნიშვნელო პრობლემები თქვენს გეგმებსა და საქმიანობაზე დიდ გავლენას მოახდენს, ამიტომ მნიშვნელოვანი არაფერი დაგეგმოთ. ხანმოკლე სირბილი ან სუფთა ჰაერზე აქტიური გასეირნება კარგ განწყობას და მხნეობას დაგიბრუნებთ.

კურო

ეს დღე ისეთ საქმიანობას უნდა დაუთმოთ, რომელიც განტვირთვასა და გონებრივად დასვენებაში დაგეხმარებათ. შეგიძლიათ თავს სიზარმაცის უფლებაც კი მისცეთ და ლოგინში დიდხანს დარჩეთ. გამორიცხული არ არის, რომ ახალმა გატაცებამ, სიამოვნების გარდა, დამატებითი შემოსავალიც მოგიტანოთ. ვარსკვლავები გირჩევენ, რომ იმუნიტეტის ამაღლებაზე იზრუნოთ.

ტყუპები

წარმატებული და ნაყოფიერი დღეა და თუ აქტიურად გაატარებთ, მნიშვნელოვან შედეგებს მიაღწევთ. 10 თებერვალს შეიძლება გამოგივიდეთ ის, რაზეც დიდხანს ოცნებობდით. გირჩევთ, საყვარელ ადამიანებთან ურთიერთობაში უფრო თავშეკავებული იყოთ და კინკლაობა დიდ სკანდალად არ აქციოთ. რჩევამ, რომელსაც ამ დღეს მიიღებთ, შეიძლება თქვენს ცხოვრებაში მნიშვნელოვანი როლი შეასრულოს.

კირჩხიბი

ისარგებლეთ შესაძლებლობით, რომელსაც ეს დღე გთავაზობთ. პლანეტების ხელსაყრელი განლაგების წყალობით, ამ დღეს ყველა საქმეში გიმართლებთ. გირჩევთ, დილიდან რთული და უსიამოვნო საკითხების მოგვარება დაიწყოთ და საღამომდე ბევრი პრობლემის დასრულებას შეძლებთ. გირჩევთ, გადაწყვეტილების მიღებისას კარგად გაითვალისწინეთ არსებული გარემოებები.

ლომი

ვარსკვლავები გირჩევენ, რომ ეს დღე საყვარელ ადამიანს დაუთმოთ – რომანტიკული პაემანი მოაწყვეთ ან საჩუქრით გაახარეთ. თუ ჯერჯერობით მარტო ხართ, გაითვალისწინეთ, რომ შოპინგისთვის მშვენიერი დღეა და შეგიძლიათ სავაჭრო ცენტრებსა და ბაზრობებს ეწვიოთ. საქმიანი მოლაპარაკებები თქვენთვის სასურველი სცენარით განვითარდება, მაგრამ ყველა დაპირებას, რომელსაც დღეს მოისმენთ, არ უნდა დაუჯეროთ.

ქალწული

ეცადეთ, კარგად გამოიძინოთ და ემოციურად განიტვირთოთ. სამუშაო კვირა რთული და დატვირთული იყო და ძალების აღდგენა გჭირდებათ. გაზაფხული ახლოვდება. მოიფიქრეთ, რისი შეცვლა გსურთ საკუთარ გარეგნობაში და სილამაზის სალონსა და მაღაზიებს ეწვიეთ. ამ დღეს თქვენს მოქმედებას, ლოგიკის ნაცვლად, ინტუიცია განაპირობებს, თუმცა მხოლოდ ინტუიციის იმედად არ უნდა იყოთ – გირჩევთ, თავი დაიზღვიოთ.

სასწორი

ამ დღეს თქვენი ინტუიცია წარმოუდგენელ სიმაღლეებს მიაღწევს! გადაწყვეტილების მიღების დროს არა გონებით, არამედ გრძნობით ხელმძღვანელობთ, თუნდაც საქმე სამუშაოს ეხებოდეს. მეექვსე გრძნობა სწორ გზას გიჩვენებთ იქ, სადაც ინფორმაცია, გამოცდილება ან ცოდნა გაკლიათ. უსმინეთ საკუთარ ინტუიციას, რომელიც შეცდომებისა და იმპულსური ქმედებებისგან დაგიცავთ.

მორიელი

პროფესიული საქმიანობისა და ბიზნესისთვის არახელსაყრელი დღეა – ყურადღების მოკრეფა გიჭირთ და შეცდომას შეცდომაზე უშვებთ. ვარსკვლავები გირჩევენ, რომ საკუთარ თავს და პირად საჭიროებებს მეტი დრო დაუთმეთ. დროა, საკუთარ ცხოვრებაში მეტი სიახლე შეიტანოთ! სულ ერთია, რას შეცვლით – წარმატებული ექსპერიმენტებით ბევრის მიღწევა შეიძლება.

მშვილდოსანი

მშვენიერი დღეა შედეგების შეჯამების, ახალი მიზნების დასახვის და მოძველებული იდეებისგან თავის დასაღწევად. ვარსკვლავები გირჩევენ, იფიქროთ, როგორ გახადოთ საკუთარი სამუშაო უფრო ეფექტიანი. უახლოეს მომავალში თქვენი უჩვეულო, ზოგჯერ ფანტასტიკური იდეებიდან ბევრი რეალობად იქცევა.

თხის რქა

გირჩევთ, საკუთარ ჯანმრთელობაზე ზრუნვას მეტი დრო დაუთმოთ. ვარჯიში, ფეხით სიარული და ჯანსაღი კვება იმუნური სისტემის გაძლიერებაში დაგეხმარებათ. წინ ბევრი სამუშაო გელით, ამიტომ ძალები უნდა აღიდგინოთ. ამ დღეს თავი უჩვეულო იდეებით სავსე გაქვთ. რამე რომ არ დაგავიწყდეთ, ყველაფერი ჩაიწერეთ – ოდესმე ეს იდეები აუცილებლად გამოგადგებათ.

მერწყული

ამ დღეს უამრავი საქმე გაქვთ დაგეგმილი, ამიტომ დილას ადრე უნდა ადგეთ და მოქმედება დაიწყოთ. შეწყვიტეთ ურთიერთობა ადამიანებთან, რომლებიც მუდმივად პრობლემებს გიქმნიან და თქვენი ცხოვრება გაცილებით ლაღი და ბედნიერი გახდება.

თევზები

ამ დღეს ვარსკვლავები სირთულის გამკლავებაში და დაგროვილი პრობლემების გადაჭრაში დაგეხმარებიან. გახსოვდეთ, რომ ემოციური ქმედებები სარგებელზე მეტ ზიანს მოგიტანთ, ამიტომ ეცადეთ, სიმშვიდე შეინარჩუნოთ. ამ დღეს თუ დებატებში მონაწილეობა მოგიწევთ, ზეწოლის ნაცვლად, კომპრომისის პოვნა ჯობს.