“ჟიჟილაშვილი, სანაია, თარგამაძე, ბაღაშვილი და მათი კოლეგები დღეიდან, ევროპელი პენსიონერებიდან წამოღებული ფულის მფლობელები ხდებიან”- ირაკლი ლატარია

ჯარი გაძარცვა, ბინძური ფულით შექმნა კომპანია, სადაც დაასაქმა ახალგაზრდები და ევროპელი პენსიონერები გააძარცვინა, ამდენი ახალგაზრდა გახადა დანაშაულებრივი სქემის თანამონაწილე. ეს არ ეყო და დღეს რას აკეთებს? „ფორმულას“ წილებს აძლევს იქ მომუშავე თანამშრომლებს, – ასე ეხმიანება ექსპერტი ირაკლი ლატარია დავით კეზერაშვილის მიერ გავრცელებულ განცხადებას, სადაც აღნიშნულია, რომ იგი უარს ამბობს „ფორმულას“ საკონტროლო პაკეტზე და არსებული წილის ნახევარს ტელეკომპანიის კოლექტივს გადასცემს.

ლატარიას თქმით, ამ ნაბიჯით, კეზერაშვილი დანაშაულის თანამონაწილედ ხდის ტელეკომპანიის კოლექტივს. მისივე განცხადებით, „ფორმულას“ თანამშრომლები, ევროპელი პენსიონერებისგან თაღლითურად დაუფლებული თანხით იღებენ ანაზღაურებას.

„ე.ი. რა გამოდის? ჯარი გაძარცვა, ბინძური ფულით შექმნა კომპანია, სადაც დაასაქმა ახალგაზრდები და ევროპელი პენსიონერები გააძარცვინა.. ამდენი ახალგაზრდა გახადა დანაშაულებრივი სქემის თანამონაწილენი..
ეს არ ეყო და დღეს რას აკეთებს? „ფორმულას“ წილებს აძლევს იქ მომუშავე თანამშრომლებს და ეს რას ნიშნავს? იმას, რომ ჟიჟილაშვილი, სანაია, თარგამაძე, ბაღაშვილი და ა.შ მათი კოლეგები დღეიდან, ევროპელი პენსიონერებიდან წამოღებული ფულის მფლობელები ხდებიან… კეზერაშვილი ამ საქმეში არის პროფესიონალი, კერძოდ, მას შეუძლია დანაშაულების სხვებისთვის განაწილება, თან ისე, რომ აქეთ მადლობას ელოდება!„ფორმულა“ მთლიანად არის დანაშაულებრივი ტელევიზია, სადაც ნებისმიერი თანამშრომელი ანაზღაურებას იღებს – პენსიონერების ნაძარცვით მიღებული შემოსავლიდან!!!“ – წერს ლატარია Facebook-ზე.

დავით კეზერაშვილის განცხადებით, ის უარს ამბობს „ფორმულას“ საკონტროლო პაკეტზე და არსებული წილის ნახევარს ტელეკომპანიის კოლექტივს გადასცემს.