“თუ დონალდ ტრამპი ფაშისტია, მაშინ კამალა ჰარისი კომუნისტია”-The Daily Telegraph
ბრიტანულ გაზეთ „დეილი ტელეგრაფში“ (The Daily Telegraph) გამოქვეყნებულია სტატია სათაურით: “თუ დონალდ ტრამპი ფაშისტია, მაშინ კამალა ჰარისი კომუნისტია” (ავტორი – ტიმ სტენლი).
გთავაზობთ პუბლიკაციას მცირე შემოკლებით:
ჩვენ აშშ-ის საპრეზიდენტო არჩევნების ისტერიული სტადიის მოწმენი ვხდებით, რაც საკმაოდ ხშირად ხდება ხოლმე ქვეყნის ისტორიაში. ვისაც კარგი მახსოვრობა აქვს, ალბათ, იმას გაახსენდება, თუ როგორ წვავდა წიგნებს სარა პეილინი, ხოლო მით რომნი აცხადებდა, რომ შავკანიანებს ბორკილებს დაადებდა. ამჯერად დონალდ ტრამპის შესახებ, თეთრი სახლის აპარატის უფროსმა გამაცხადა, რომ ექს-პრეზიდენტი როცა პრეზიდენტი იყო, თურმე პირადულ საუბრებში ჩიოდა – რატომ არ მყავს ისეთი გენერლები, როგორიც ადოლფ ჰიტლერს ჰყავდაო. კამალა ჰარისმა დაუყოვნებლივ პრეს-კონფერენცია გამართა და განაცხადა – აი, ხედავთ, დონალდ ტრამპს ისეთი ადამიანები მოსწონს, რომლებმაც მილიონობით ებრაელი გაანადგურესო“,
სინამდვილეში ექს-პრეზიდენტს მხედველობაში ჰქონდა, რომ მას სურს კომპეტენტური და ლოიალური გენერლები ჰყავდეს, თუმცა ეს უფრო ბედის ირონიას ჰგავს, თუ გავიხსენებთ, რომ რაიხსფიურერის მოკვლა იმავე „ლოიალურ“ გენერლებს ჰქონდათ განზრახული. და მაინც იმის თქმა, რომ „დონალდ ტრამპი ფაშისტია“, ეს დიდი ზედმეტობა და გადაჭარბება იქნებოდა.
დიახ, ამერიკული არჩევნები სავსეა პარადოქსული მომენტებით. ზოგიერთი თვლის, რომ ამჟამინდელი არჩევნები ყველაზე მეტად ამაზრზენია, რომ დონალდ ტრამპი აშშ-ის პოლიტიკურ სისტემაში დაბუდებული უცხო ვირუსს წარმოადგენს… მაგრამ ისინი ივიწყებენ იმას, რომ ოდესღაც თეთრ სახლში შედიოდნენ ქურდებიც, მონათმფლობელებიც, ზნედაცემულები და ომის გამჩაღებლებიც. მათ ფონზე დონალდ ტრამპი ერთ-ერთ საუკეთესო პრეზიდენტს წარმოადგენს.
როცა ამბობენ, რომ რესპუბლიკელებმა „უოტერგეიტი“ და ერაყის ომი მოგვიწყვესო, მაშინ ისიც გაიხსენონ, რომ დემოკრატებმა ვიეტნამი და ჯონ ედვარდსთან დაკავშირებული სკანდალი მოაწყვეს. პოლიტიკა იგივე რჩება, როგორიც ყოველთვის იყო. თუ რაიმე [ნეგატიურად] შეიცვალა, ეს უფრო ისტორიულ განათლებაზე ითქმის: თანამედროვე პოლიტიკოსების უმრავლესობა, როგორც ჩანს, დღევანდელი მოვლენებით ცხოვრობს და ერთადერთი, თუ რაიმეს შესახებ რაღაცის თქმა შეუძლიათ, მეორე მსოფლიო ომი და მისი ფიურერი წარმოადგენს. აბა, როდის გაიგონეთ უკანასკნელად, რომ რომელიმე პრეზიდენტობის კანდიდატმა თავის ოპონენტს იულიუს ცეზარი ან ნაპოლეონ ბონაპარტი უწოდა?
მემარცხენეები, რომლებიც თავიანთი განათლების მწირ რეზერვებს იყენებენ, ცხოვრების არსს ჰიტლერსა და არაჰიტლერს შორის აპოკალიპტური არჩევანის გაკეთებაში ხედავენ და ის ადამიანები, რომლებიც მათ 100%-ით არ ეთანხმებიან, ან პროჰიტლერები არიან, ან ჰიტლერის იდეებს იზიარებენ. გასულ კვირას კამალა ჰარისმა თემატური აქცია ჩაატარა – „აბორტი – ეს ჯანმრთელობაა“. აქციაზე გამოსულმა ცნობილმა ექიმებმა – თეთრ ხალათებში გამოწყობილებმა – დაამოწმეს, რომ დონალდ ტრამპს ამერიკის გადაქცევა სურს ისეთ ქვეყნად, როგორიც სერიალ „მსახურის მოყოლილ ზღაპარშია“ – გამოგონილ ტოტალიტარულ და რელიგიურ-თეოკრატიულ სახელმწიფოდ. ეს სრული აბსურდია. დიახ, ექს-პრეზიდენტს სურს აბორტების ნებადამრთველი კანონი გააუქმოს, მაგრამ მას არ უთქვამს, რომ აბორტის გაკეთება არ შეიძლება. ეს ქალების უფლებაა. დონალდ ტრამპი აბორტების საერთოეროვნულ დონეზე აკრძალვის წინააღმდეგ გამოდის.
ადოლფ ჰიტლერი ბოროტების განსახიერებას წარმოადგენდა, ეს უდავოა. მაგრამ განა იოსებ სტალინიც იგივენაირი არ იყო? და თუ დონალდ ტრამპი ფაშისტია (თუმცა ეს, ვიმეორებთ, აბსურდია), მაშინ შეგვიძლია თუ არა ვთქვათ, რომ დემოკრატები, რომლებსაც სოციალური ქსელების გაკონტროლება სურთ და ზემოდან კულტურული რევოლუციის განხორციელებას გვპირდებიან, კომუნისტები არიან? ვისგან გადაიღეს ლიბერალმა პოლიტიკოსებმა მკაცრი კარანტინის მოწყობა? „წითელი ჩინეთისაგან“. ესე იგი, შეიძლება თუ არა შევრაცხოთ ახალი ზელანდიის პრემიერ-მინისტრი ჯასინდა არდერნი „ახლადმოვლენილ მაო ძედუნად?
რა თქმა უნდა, არსებობს შედარებით უფრო ცინიკური მიდგომა ფენომენის – „ვინც მე არ მეთანხმება, ის ჰიტლერია“ – მიმართ: კამალა ჰარისი სწორედ ასე აკეთებს. მას ავიწყდება, რომ რადგან იგი თვითონ ახლოს დგას მარქსიზმთან [მამამისი ეკონომისტი იყო, რომელიც მარქს-ენგელსურ ეკონომიკას სწავლობდა) შეიძლება კომუნისტად შერაცხონ.
ისტორიკოსი ვიქტორ დევის ჰენსონი 2024 წლის საპრეზიდენტო არჩევნებს ასე აღწერს: ის ვინც ლექციას სხვას განგებ არასწორად უკითხავს, საკუთარი თავის მავნებელია“. იგი იხსენებს აშშ-ის ისტორიაში მომხდარ ერთ-ერთს ფაქტს: როდესაც 1833 წელს ჰარვარდის უნივერსიტეტმა აშშ-ის მე-7 პრეზიდენტს ენდრიუ ჯექსონს საპატიო დოქტორის წოდება მიანიჭა, მისი წინამორბედი, აშშ-ის მე-6 პრეზიდენტი ჯონ ქუინსი ადამსი კოლეგის საზეიმო ცერემონიაზე არ მივიდა. ‘არა, მე არ მოვალ. მე არ მსურს დავინახო, რომ ცემი საყვარელი უნივერსიტეტი დოქტორის წოდება ბარბაროსს და ბელურს ანიჭებს, რომელსა საკუთარი სახელის ასოებით წარმოთქმა არ შეუძლია“.
როცა ცერემონიის დროს სტუდენტებმა ენდრიუ ჯექსონს ლათინურ ენაზე დაუსვეს კითხვა, მან ინგლისურ ენაზე უაპასუხა: „ერთადერთი ლათინური გამოთქმა, რომელიც მე ვიცი, ესაა E Pluribus Unum („ერთი მრავალთაგან“ – აშშ-ის დევიზი, რომელიც თავდაპირველად მიუთითებდა 13 დამოუკიდებელი კოლონიის ერთ გაერთიანებულ სახელმწიფოდ ინტეგრაციას). სტუდენტები აღფრთოვანებულები დარჩნენ.
მოამზადა სიმონ კილაძემ
