1. Home
  2. TOP სიახლე
  3. “წინასწარ შინაარსის შეფასება გამიჭირდება” – ომბუდსმენი ლგბტ თემთან დაკავშირებულ კანონპროექტზე
“წინასწარ შინაარსის შეფასება გამიჭირდება” – ომბუდსმენი ლგბტ თემთან დაკავშირებულ კანონპროექტზე

“წინასწარ შინაარსის შეფასება გამიჭირდება” – ომბუდსმენი ლგბტ თემთან დაკავშირებულ კანონპროექტზე

361
0

სახალხო დამცველის, ლევან იოსელიანის განცხადებით, ლგბტ თემთან დაკავშირებული კანონპროექტი, რომელზეც უმრავლესობა მუშაობს, წინააღმდეგობაში არ უნდა მოდიოდეს საქართველოს კონსტიტუციით გარანტირებულ ძირითად უფლებებთან, უნდა იცავდეს თანასწორობის პრინციპს და არ ზღუდავდეს სიტყვისა და გამოხატვის თავისუფლებას.

იოსელიანი აცხადებს, რომ დეტალების შეფასებას კანონპროექტის გაცნობის შემდეგ შეძლებს.

„წინასწარ კანონპროექტის შინაარსის შეფასება გამიჭირდება, თუმცა ერთი რამ არის ცალსახა, ის წინააღმდეგობაში არ უნდა მოდიოდეს საქართველოს კონსტიტუციით გარანტირებულ ძირითად უფლებებთან, უნდა იცავდეს თანასწორობის პრინციპს და არ ზღუდავდეს სიტყვისა და გამოხატვის თავისუფლებას. ველოდები კანონპროექტს, რომლის გაცნობის შემდეგაც შევძლებ დეტალების შეფასებას,”- აცხადებს იოსელიანი.

ინფორმაციისთვის, უმრავლესობა ლგბტქ თემთან დაკავშირებულ კანონპროექტზე მუშაობს, რომლის წარდგენასაც პარლამენტში 2 კვირის ვადაში გეგმავს. როგორც უმრავლესობაში აცხადებენ, კანონპროექტი „ფსევდოლიბერალური ღირებულებებისგან“ და „ლგბტ პროპაგანდისგან“ საზოგადოების დაცვას ემსახურება.