ტრამპი ფიქრობს, რომ უკრაინას რუსეთთან ტერიტორიულ დათმობებზე წასვლა მოუწევს – ფინეთის პრეზიდენტი
798
0
აშშ-ის პრეზიდენტი, დონალდ ტრამპი ფიქრობს, რომ უკრაინა რუსეთთან სამშვიდობო შეთანხმების ფარგლებში ტერიტორიულ დათმობებს დათანხმდება, – განაცხადა ფინეთის პრეზიდენტმა, ალექსანდრ სტუბმა გამოცემა The New York Times-თან ინტერვიუს დროს.
„მან [ტრამპმა] აღიარა, რომ უკრაინას, სავარაუდოდ, ტერიტორიულ კომპრომისებზე წასვლა მოუწევს, რაც ბრძოლის ველზე სიტუაციას ასახავს“, – განაცხადა სტუბმა.
მან აგრეთვე დასძინა, რომ მიუხედავად იმისა, უკრაინა წავა ტერიტორიულ დათმობებზე თუ არა, ფინეთი უკრაინულ ტერიტორიებს რუსულად არასდროს აღიარებს.
