1. Home
  2. TOP სიახლე
  3. საქართველოში “უცხოური გავლენის შესახებ” კანონპროექტი, რომელიც ოპონენტების თქმით, ძირს უთხრის თბილისის ევროპულ მისწრაფებებს, 20 000-მდე მომიტინგემ გააპროტესტა -France 24
საქართველოში “უცხოური გავლენის შესახებ” კანონპროექტი, რომელიც ოპონენტების თქმით, ძირს უთხრის თბილისის ევროპულ მისწრაფებებს, 20 000-მდე მომიტინგემ გააპროტესტა -France 24

საქართველოში “უცხოური გავლენის შესახებ” კანონპროექტი, რომელიც ოპონენტების თქმით, ძირს უთხრის თბილისის ევროპულ მისწრაფებებს, 20 000-მდე მომიტინგემ გააპროტესტა -France 24

123
0

„საქართველოში სადავო კანონპროექტს „უცხოური გავლენის“ შესახებ ათიათასობით ადამიანი აპროტესტებს“- ასეთი სათაურით აქვეყნებს France 24-ი სტატიას.

როგორც გამოცემა წერს ყოფილი საბჭოთა რესპუბლიკა, საქართველო წლების განმავლობაში ცდილობს დასავლეთთან ურთიერთობების გაღრმავებას, მაგრამ ამჟამინდელ მმართველ პარტიას ქვეყნის რუსეთთან დაახლოებაში ადანაშაულებენ.

საკამათო კანონი „უცხოური გავლენის“ შესახებ, რომელიც ოპონენტების თქმით, ძირს უთხრის თბილისის ევროპულ მისწრაფებებს, საქართველოში ოთხშაბათს 20 000-მდე მომიტინგემ გააპროტესტა.

„საქართველოს, რომელიც ოდესღაც ყოფილი საბჭოთა ქვეყნების დემოკრატიული ტრანსფორმაციის წამყვანი ლიდერი იყო, ბოლო წლებში დემოკრატიული უკუსვლის გამო აკრიტიკებენ“, – აღნიშნულია სტატიაში.

გამოცემა წერს, რომ პრემიერ-მინისტრმა ირაკლი კობახიძემ, რომელიც „ცნობილია ანტიდასავლური რიტორიკით და ამტკიცებს, რომ საქართველოს ევროატლანტიკური მისწრაფებების მიმართ ერთგულია“, განაცხადა, რომ კანონი ხელს შეუწყობს დასავლური ინსტიტუტების მიერ დაფინანსებული არასამთავრობო ორგანიზაციების ფინანსურ გამჭვირვალობას.

„მაგრამ ევროკავშირის საგარეო პოლიტიკის ხელმძღვანელმა, ჯოზეფ ბორელმა და ევროკომისარმა გაფართოების საკითხებში ოლივერ ვარჰეიმ ოთხშაბათს საქართველოს პარლამენტში ჩატარებულ კენჭისყრას „ძალიან შემაშფოთებელი განვითარება“ უწოდეს და ერთობლივ განცხადებაში განაცხადეს, რომ „ამ კანონმდებლობის საბოლოო მიღება უარყოფითად იმოქმედებს ევროკავშირის გზაზე საქართველოს პროგრესზე და ეს კანონი არ შეესაბამება ევროკავშირის ძირითად ნორმებსა და ღირებულებებს“, -აღნიშნულია სტატიაში.

გამოცემა წერს, რომ დეკემბერში ევროკავშირმა საქართველოს კანდიდატის სტატუსი მიანიჭა, მაგრამ განაცხადა, რომ თბილისს მოუწევს სასამართლო და საარჩევნო სისტემების რეფორმირება, პოლიტიკური პოლარიზაციის შემცირება, პრესის თავისუფლების გაუმჯობესება და ოლიგარქების ძალაუფლების შემცირება, სანამ წევრობის მოლაპარაკებები ოფიციალურად დაიწყება.

„პრეზიდენტმა სალომე ზურაბიშვილმა, რომელიც დაპირისპირებულია მმართველ პარტიასთან, განაცხადა, რომ კანონპროექტის მიღება ეწინააღმდეგება „მოსახლეობის ნებას“ და დაგმო ის, როგორც „რუსეთის დესტაბილიზაციის სტრატეგია“.

ვაშინგტონმა ასევე გამოთქვა შეშფოთება, რომ კანონი „საქართველოს ევროპული გზიდან გადაახვევინებს“, – აღნიშნულია სტატიაში.