![რონ დესანტისმა აშშ-ის საპრეზიდენტო არჩევნებზე თავისი კანდიდატურა დონალდ ტრამპის სასარგებლოდ მოხსნა](https://gttv.ge/wp-content/uploads/2024/01/ros-1.jpg)
რონ დესანტისმა აშშ-ის საპრეზიდენტო არჩევნებზე თავისი კანდიდატურა დონალდ ტრამპის სასარგებლოდ მოხსნა
ფლორიდის გუბერნატორმა, რონ დესანტისმა საპრეზიდენტო არჩევნებზე თავისი კანდიდატურა დონალდ ტრამპის სასარგებლოდ მოხსნა. ცნობა ამის შესახებ მან სოციალური ქსელით გაავრცელა და თავის მომხრეებს ტრამპის სასარგებლოდ არჩევანის გაკეთებისკენ მოუწოდა.
„ვამაყობ, რომ ჩემი დაპირებები 100%-ით შევასრულე და ახლა არ გავჩერდები. ჩემთვის ნათელია, რომ რესპუბლიკელების ამომრჩეველთა უმრავლესობას სურს, დონალდ ტრამპს კიდევ ერთი შანსი მისცეს. მიუხედავად იმისა, რომ არ ვეთანხმებოდი დონალდ ტრამპს, თუნდაც კოვიდპანდემიის და ენტონი ფაუჩის დაწინაურების შემთხვევაში, ტრამპი ამჟამინდელ მოქმედ პრეზიდენტს, ჯო ბაიდენს აღემატება. ეს გასაგებია. მოვაწერე ხელი დაპირებას, რომ მხარს დავუჭერ რესპუბლიკელ კანდიდატს და შევასრულებ ამ პირობას. მას ჩემი მხარდაჭერა აქვს“, – განაცხადა დესანტისმა.
პრაიმერიზში უკვე ყოფილი კონკურენტის საარჩევნო მარათონს გამოთიშვას და მისი მხრიდან მხარდაჭერას ზეიმობს დონალდ ტრამპი. ფლორიდის გუბერნატორის განცხადების შემდეგ შეერთებული შტატების ყოფილი პრეზიდენტი ნიუ ჰემფშირში მომხრეებს კვლავ შეხვდა და 23 იანვრის პრაიმერიზში აქტიურობისკენ კიდევ ერთხელ მოუწოდა.
„მოგესალმებით! ყველაფერი კარგადაა, ჩვენ ვლიდერობთ, თანაც რეკორდულად. ეს დღე ძალიან მნიშვნელოვანი იყო. ცოტა ხნის წინ შევიტყვეთ, რომ ჩვენი ერთ-ერთი კონკურენტი, საკმაოდ ძლიერი კონკურენტი რონ დესანტისი საარჩევნო მარათონს გამოეთიშა. ამასთან ერთად, მან კანდიდატურის მოხსნისას მხარი ჩვენ დაგვიჭირა“, – აღნიშნა ტრამპმა.