გახარიას განცხადებები ემსახურება ერთ რამეს – პოლიტიკის ზედაპირზე იტივტივოს -ირაკლი ქადაგიშვილი

გიორგი გახარია დაიმალა მას შემდეგ, როდესაც როგორც პრემიერ-მინისტრმა ყველაზე უფრო მძიმე ვითარებაში უღალატა ქვეყანას და სახელმწიფო ინტერესებს, – ამის შესახებ საპროცედურო საკითხთა და წესების კომიტეტის თავმჯდომარემ, ირაკლი ქადაგიშვილმა „ქრონიკასთან“ განაცხადა.

„ახლა, გახარიას ხან პრეზიდენტის არჩევნების მოთხოვნა და ასევე სხვა განცხადებები ემსახურება ერთ რამეს, რომ რამენაირად პოლიტიკის ზედაპირზე იტივტივოს. მის ტივტივში ხელის შეწყობას ჩვენ არ ვაპირებთ“, – აღნიშნა ირაკლი ქადაგიშვილმა.

გიორგი გახარიას მხრიდან ბიძინა ივანიშვილის დებატებში გამოწვევა „ქართული ოცნების“ თავმჯდომარისთვის აბსურდული განცხადებაა. ირაკლი კობახიძე გიორგი გახარიას წარსულ საქმიანობას და 2021 წლის არჩევნებზე განცდილ მარცხს ახსენებს და ურჩევს, რომ დებატები ჯერ მოვალეებთან გამართოს.