,,დავასრულებთ ქრონიკულ დაავადებათა ეპიდემიას, დავიცავთ ჩვენს შვილებს უსაფრთხოდ, ჯანმრთელად და დაავადებების გარეშე” – დონალდ ტრამპი

დავასრულებთ ქრონიკულ დაავადებათა ეპიდემიას, დავიცავთ ჩვენს შვილებს უსაფრთხოდ, ჯანმრთელად და დაავადებების გარეშე, – ამის შესახებ აშშ-ის პრეზიდენტმა, დონალდ ტრამპმა საინაუგურაციო სიტყვით გამოსვლისას განაცხადა.

„უპირველეს ყოვლისა, ჩემი გზავნილი ამერიკელებისადმი დღეს არის ის, რომ დროა, კვლავ ვიმოქმედოთ სიმამაცით, ენერგიითა და ისტორიის უდიდესი ცივილიზაციის სიცოცხლისუნარიანობით. როდესაც ჩვენ გავათავისუფლებთ ჩვენს ერს, ჩვენ მივიყვანთ მას ახალ სიმაღლეებამდე, გამარჯვებასა და წარმატებამდე. ჩვენ არ შევჩერდებით. ერთად დავასრულებთ ქრონიკულ დაავადებათა ეპიდემიას და დავიცავთ ჩვენს შვილებს უსაფრთხოდ, ჯანმრთელად და დაავადებების გარეშე. შეერთებული შტატები კვლავ ჩათვლის თავს მზარდ ერად, რომელიც ზრდის ჩვენს სიმდიდრეს, აფართოებს ჩვენს ტერიტორიას, აშენებს ჩვენს ქალაქებს, ზრდის ჩვენს მოლოდინებს და ატარებს ჩვენს დროშას ახალ და მშვენიერ ჰორიზონტებზე. ჩვენ გავაგრძელებთ ჩვენს აშკარა ბედისწერას ვარსკვლავებისკენ, გავგზავნით ამერიკელ ასტრონავტებს ვარსკვლავებიანი დროშის აღსამართად პლანეტა მარსზე“, – აღნიშნა დონალდ ტრამპმა.

მე აღვადგენ სამხედრო მოსამსახურეებს, რომლებიც უსამართლოდ გაათავისუფლეს ჩვენი სამხედრო ძალებიდან „კოვიდის“ ვაქცინის მანდატზე უარის თქმის გამო, ისინი მიიღებენ კომპენსაციას, – ამის შესახებ აშშ-ის პრეზიდენტმა, დონალდ ტრამპმა საინაუგურაციო სიტყვით გამოსვლისას განაცხადა.

მისი თქმით, აშშ-ის შეიარაღებული ძალები გათავისუფლდებიან, რათა ფოკუსირდნენ მთავარ მისიაზე – ამერიკის მტრების დამარცხებაზე.