1. Home
  2. TOP სიახლე
  3. ბაიდენის ძაღლმა აშშ-ის საიდუმლო სამსახურის აგენტებს, სულ მცირე, 24-ჯერ უკბინა
ბაიდენის ძაღლმა აშშ-ის საიდუმლო სამსახურის აგენტებს, სულ მცირე, 24-ჯერ უკბინა

ბაიდენის ძაღლმა აშშ-ის საიდუმლო სამსახურის აგენტებს, სულ მცირე, 24-ჯერ უკბინა

117
0

აშშ-ის პრეზიდენტის, ჯო ბაიდენის ძაღლმა აშშ-ის საიდუმლო სამსახურის აგენტებს, სულ მცირე, 24-ჯერ უკბინა.

ინფორმაციას ამის შესახებ „ბიბისი“ აშშ-ის საიდუმლო სამსახურების დოკუმენტებზე დაყრდნობით ავრცელებს.

ანგარიშის თანახმად, 2022 წლის ოქტომბრიდან 2023 წლის ივლისამდე პერიოდში პრეზიდენტის ძაღლმა, სულ მცირე, 24-ჯერ უკბინა სპეცსამსახურის თანამშრომლებს, რომლებიც ბაიდენის ოჯახის უსაფრთხოებას იცავენ.

ამასთან, აღსანიშნავია, რომ ანგარიშში ჩამოთვლილია მხოლოდ საიდუმლო სამსახურის თანამშრომლებთან დაკავშირებული ინციდენტები და არ არის აღრიცხული თეთრ სახლში ან მერილენდის კემპ დევიდის რეზიდენციაში მომუშავე პერსონალთან დაკავშირებული შემთხვევები.

ბაიდენის ოჯახის ძაღლს თეთრი სახლი გასული წლის ოქტომბერში დაატოვებინეს მას შემდეგ, რაც ერთ-ერთ აგენტს კბენის შემდეგ სამედიცინო მკურნალობა დასჭირდა. დოკუმენტებიდან ირკვევა, რომ ძაღლის თავდასხმის რამდენიმე შემთხვევის შემდეგ აგენტებს ნაკერების დადება დასჭირდათ.

ერთ-ერთი აგენტის წერილიდან ირკვევა, რომ ძაღლის ქცევის გამო პრეზიდენტის უსაფრთხოების სამსახურს მოვალეობის შესრულებისას ოპერატიული ტაქტიკის კორექტირება დასჭირდათ, რათა საკუთარი უსაფრთხოებაც უზრუნველეყოთ.