“ამ აქტს ყველაფერი შეიძლება დაარქვა გარდა მეგობრულისა – ეს არ არის მეგობრული და არც ორიენტირებული იმაზე, რომ რამენაირად, დაეხმაროს ან საქართველოს, ან – ამერიკის ინტერესებს” – მიხეილ სარჯველაძე
„ამ აქტს ყველაფერი შეიძლება დაარქვა გარდა მეგობრულისა – ეს არ არის მეგობრული და არც ორიენტირებული იმაზე, რომ რამენაირად, დაეხმაროს ან საქართველოს, ან – ამერიკის ინტერესებს. ერთადერთი, ვისთვისაც ეს შეიძლება სასარგებლო იყოს, ან უფრო სწორად, ქმნიდეს ასეთ შთაბეჭდილებას, ეს არის ქართული ოპოზიცია. მეტი ამას ფუნქცია არ გააჩნია“, – ასე შეაფასა მიხეილ სარჯველაძემ აშშ-ს კონგრესის წარმომადგენელთა პალატის მიერ „მეგობარი აქტის“ მიღება.
ჯანდაცვის მინისტრმა აღნიშნა, რომ აქტი, საბოლოოდ, საკანონმდებლო სახეს ვერ მიიღებს.
„არცთუ იშვიათია შემთხვევა, როდესაც, ხელოვნურად ატეხილი აჟიოტაჟის შედეგად ყალიბდება არასწორი შეხედულებები გარკვეულ მოვლენებთან, სტრუქტურებთან მიმართებაში, რასაც შეუძლია, ძალიან სერიოზულად, ხელი შეუშალოს ორ ქვეყანას შორის ურთიერთობის ნორმალიზებას. სამწუხაროდ, დღეს, ძალიან ბევრი ადამიანი მონდომებულია და საკუთარ მოვალეობად მიაჩნია, რომ რაც შეიძლება მეტად დააზიანოს საქართველოს ინტერესი, რაც შეიძლება მეტად დააზიანოს შეერთებულ შტატებსა და საქართველოს ურთიერთობა, რაც
ვიწრო პარტიული ინტერესს ემსახურება.
რეალურად ვფიქრობ, რომ არც თუ ისე შორს არის ის დრო, როდესაც ყოველგვარი ბურუსი გაიფანტება და აბსოლუტურად ყველაფერი თვალსაჩინო გახდება.
ვთვლი, რომ რაიმე განგაშის და შიშს მიზეზი, რეალურად, ობიექტურად, არ უნდა ჰქონდეს ჩვენს საზოგადოებას, რომ ამას შეუძლია რაიმე მძიმე შედეგები მოუტანოს ქვეყანას.
მეც შევუერთდები იმ ადამიანთა ჯგუფს, რომლებიც უფრო დადებითი მოლოდინით არიან, რომ გარკვეული პროცედურების გავლის შემდეგ, ვერ გახდება საკანონმდებლო აქტი, რომელსაც რეალურად, შეუძლია, დააზიანოს ქართულ-ამერიკული ურთიერთობები. ამიტომ, მე ვთვლი, რომ ეს არის ერთმნიშვნელოვნად უსამართლო, უსარგებლო აქტი, მას არ შეუძლია რაიმე სიკეთის მოტანა არც საქართველოსთვის, არც – ამერიკისთვის. ერთადერთი, ვისაც შეიძლება, ხელს აძლევდეს ეს, არის ქართული ოპოზიცია. ეს კეთდება, მხოლოდ და მხოლოდ, მაშველი რგოლის გადასაგდებად ჩვენი ქვეყნის ოპოზიციისთვის, სხვა მეტი ფუნქცია, სხვა მეტი საღი აზრი ამ ყველაფერში სამწუხაროდ არ დევს”, – განაცხადა მიხეილ სარჯველაძემ.
