მდინარე ჭანისწყალში ახალგაზრდა მამაკაცს ეძებენ
ამ წუთებში ახალგაზრდა მამაკაცს ეძებენ მდინარე ჭანისწყალში, წალენჯიხაში. არსებული ინფორმაციით, მაშველებმა მდინარიდან ქალის და 2 ბავშვის გამოყვანა შეძლეს, ხოლო მოულოდნელად ადიდებულმა და სისწრაფით მოვარდნილმა მდინარემ ახალგაზრდა მამაკაცი გაიტაცა.
ადგილზე იმყოფება შესაბამისი სამსახურები. სამაშველო სამსახურის თანამშრომლები დაკარგული ახალგაზრდის სამძებრო სამუშაოებს ახორციელებენ.
