აღმოსავლეთ-დასავლეთ უნივერსიტეტი არიზონის სახელმწიფო უნივერსიტეტთან პარტნიორობას იწყებს — მიზანი უმაღლესი განათლების ტრანსფორმაციაა
აღმოსავლეთ-დასავლეთ უნივერსიტეტი იწყებს თანამშრომლობას არიზონის სახელმწიფო უნივერსიტეტთან (ASU) და უერთდება ASU-Cintana-ს გლობალურ ალიანსს, რომელიც საქართველოში უმაღლესი განათლების სისტემის გარდაქმნას ისახავს მიზნად. თანამშრომლობა ითვალისწინებს როგორც ადგილობრივი, ისე უცხოელი სტუდენტების მომზადებას საერთაშორისო კარიერისთვის.
პარტნიორობის ფარგლებში, აღმოსავლეთ-დასავლეთ უნივერსიტეტი ისწრაფვის, გახდეს რეგიონული ჰაბი კავკასიაში და საქართველოში ჩამოყალიბდეს, როგორც ინოვაციური, ინტერდისციპლინური და საერთაშორისო განათლების ცენტრი.
არიზონის სახელმწიფო უნივერსიტეტი (ASU) უკვე ათი წელია აშშ-ის ყველაზე ინოვაციურ უნივერსიტეტად სახელდება U.S. News & World Report-ის მიერ (2016-2025 წწ.).
Powered by ASU-ის სტატუსის მიღებით ,,ექიმის სამედიცინო აკადემიურ საგანმანათლებლო პროგრამაზე“ კონცენტრირებული აღმოსავლეთ-დასავლეთ უნივერსიტეტი დღეს ახალ მნიშვნელოვან ეტაპზე გადადის და არიზონის სახელმწიფო უნივერსიტეტთან პარტნიორობით აჩქარებს ზრდის ტემპს, განაახლებს აკადემიურ ხედვას და თავის ბრენდს გლობალურ ღირებულებებზე დაყრდნობით.
აღმოსავლეთ-დასავლეთ უნივერსიტეტის სტუდენტებს ექნებათ წვდომა ASU-ს სტანდარტებზე დაფუძნებულ სასწავლო პროგრამებზე, წამყვანი პროფესორების გამოცდილების გაზიარებაზე, გლობალურ მასტერკლასებზე, საერთაშორისო კვლევით თანამშრომლობასა და სტუდენტთა გაცვლით პროგრამებზე.
„არიზონის სახელმწიფო უნივერსიტეტთან პარტნიორობითა და Cintana ალიანსის გლობალური ექსპერტიზის მხარდაჭერით, აღმოსავლეთ-დასავლეთ უნივერსიტეტი ახორციელებს სტრატეგიულ ინიციატივას, იმისათვის რომ გახდეს რეგიონული ლიდერი საერთაშორისო განათლების სფეროში“, — აღნიშნა აღმოსავლეთ-დასავლეთ უნივერსიტეტის პრეზიდენტმა გიორგი ხუროძემ.
ASU-სთან პარტნიორობით შემუშავებული გაფართოებული პროგრამები სტუდენტებს შესაძლებლობას მისცემს მიიღონ ASU-ისა და აღმოსავლეთ-დასავლეთ უნივერსიტეტის ორმაგი ხარისხის დიპლომები. ეს მოქნილი და ეტაპობრივი სასწავლო გზები სტუდენტებს მისცემს საშუალებას გადააწყონ საკუთარი აკადემიური მარშრუტი ინდივიდუალური საჭიროებების შესაბამისად, რაც მნიშვნელოვნად გაზრდის მათი დასაქმების შესაძლებლობას როგორც ადგილობრივ, ისე საერთაშორისო ბაზარზე.
აღმოსავლეთ-დასავლეთ უნივერსიტეტის ამბიციური ზრდა მხარდაჭერილი იქნება როგორც მედიცინის პროგრამის გაძლიერებით, ისე მომდევნო ხუთი წლის განმავლობაში 22 ახალი აკადემიური პროგრამის შემუშავებით.
ახალი პროგრამები მოიცავს ჯანმრთელობის მეცნიერებებს, ბიზნესს, ციფრულ ტექნოლოგიებსა და სოციალურ მეცნიერებებს — დარგებს, სადაც მაღალი ხარისხის განათლებაზე მოთხოვნა საგრძნობლად იზრდება როგორც საქართველოში, ასევე რეგიონში.
(R)
