რუსეთს ჩვენს ტერიტორიაზე არა მარტო საოკუპაციო ჯარი ჰყავს, არამედ სარაკეტო კომპლექსები უდგას – გია ვოლსკი
რუსეთს ჩვენს ტერიტორიაზე არა მარტო საოკუპაციო ჯარი ჰყავს, არამედ სარაკეტო კომპლექსები უდგას, რასაკვირველია, ეს ის ეტაპი არ არის ამერიკისთვის, რომ ამ თემაზეც კიდევ ახალი დაპირისპირება შექმნას, – განაცხადა გადაცემაში „დღის ქრონიკა“ საქართველოს პარლამენტის პირველმა ვიცე სპიკერმა გიორგი ვოლსკიმ.
მან მსოფლიოში მიმდინარე პროცესებზე ისაუბრა და ყურადღება გაამახვილა ევროკავშირსა და აშშ-ს შორის უკრაინის ომის თემაზე უთანხმოებაზე.
„ევროკავშირის და შეერთებული შტატების სერიოზული უთანხმოებაა უკრაინის ომთან, სავაჭრო თემებთან დაკავშირებით. ჩინეთმა ყველა ევროპულ ქვეყანას თავისუფალი სავიზო რეჟიმი მისცა იმიტომ, რომ წაახალისა არაერთი უკვე დადებული ხელშეკრულება ევროკავშირის ქვეყნებსა და ჩინეთს შორის.
ამერიკის შეერთებული შტატების ახალი ადმინისტრაცია ცდილობს, რომ არა მარტო ომი შეაჩეროს, არამედ წვდომა ჰქონდეს სასარგებლო წიაღისეულთან, რომელიც დღე უკრაინის დაპყრობილ ტერიტორიებზე არის. წარმოიდგინეთ, რამხელა მასშტაბია პრობლემისა, რომლის აშშ-ს უნდა, რომ მოაგვაროს და ხანდახან ისიც კი ჟონავს, რომ რუსეთი მართალია, რომ რუსეთი არ იყო მიზეზი ომის დაწყების და ასე შემდეგ, მაგრამ ხომ ვიცით, რომ ეს ინტერესებიდან გამოდის.
რუსეთს ჩვენს ტერიტორიაზე არა მარტო საოკუპაციო ჯარი ჰყავს, არამედ სარაკეტო კომპლექსები უდგას, რასაკვირველია, ეს ის ეტაპი არ არის ამერიკისთვის, რომ ამ თემაზეც კიდევ ახალი დაპირისპირება შექმნას. აქედან გამომდინარე, ჩვენ გვჭირდება დრო, რათა მსოფლიოში ვითარება, პროცესები დასტაბილურდეს”, – აღნიშნა გიორგი ვოლსკიმ.
