ისრაელმა ლიბანში „ჰამასის“ მაღალჩინოსანი მოკლა – AP
398
0
ჩრდილოეთ ლიბანში მდებარე ლტოლვილთა ბანაკზე ისრაელის საჰაერო იერიშს დაჯგუფება „ჰამასის“ მაღალჩინოსანი საიდ ატალა ალი და მისი ოჯახი ემსხვერპლა.
ინფორმაციას Associated Press-ი ავრცელებს.
თავდასხმა გამთენიისას მოხდა. ლტოლვილთა ბანაკის დაბომბვამდე ისრაელმა საჰაერო იერიში ლიბანისა და სირიის დამაკავშირებელ ავტომაგისტრალზე მიიტანა, რის შედეგადაც ქვეყნებს შორის კავშირი ამ გზის გამოყენებით გაწყვიტა.
ისრაელმა ლიბანში სახმელეთო ოპერაცია სამშაბათს დაიწყო. ოპერაციის მთავარი მიზანი დაჯგუფება „ჰეზბოლას“ განადგურებაა. ბოლო ცნობებით, ლიბანში შეჭრას ცხრა ებრაელი ჯარისკაცი ემსხვერპლა.
