“მშვიდობას აქვს სახელი – დონალდ ტრამპი” – ვიქტორ ორბანი

უნგრეთის პრემიერმინისტრმა, ვიქტორ ორბანმა ფრანგული Le Point-სთვის მიცემულ ინტერვიუში, სხვა საკითხებთან ერთად, დონალდ ტრამპზეც ისაუბრა და თქვა, რომ “საერთაშორისო ასპარეზზე ის ყველაზე წარმატებული პრეზიდენტია”.

„მას არცერთი ომი არ დაუწყია. აბრაამის შეთანხმება – “ისრაელისა და არაბული სახელმწიფოების ურთიერთობის ნორმალიზაციის შესახებ” – ერთადერთი სერიოზული შანსი იყო ახლო აღმოსავლეთის ძალიან რთულ რეგიონში მშვიდობის, ბალანსისა და ცხოვრების მისაღები წესის დასამყარებლად“, – განაცხადა უნგრეთის პრემიერმა.

ორბანი დარწმუნებულია, რომ 2022 წელს აშშ-ის პრეზიდენტი დონალდ ტრამპი რომ ყოფილიყო, „ევროპაში ომი არ იქნებოდა“.

“დღეს მე ვერ ვხედავ სხვა ლიდერს ევროპაში ან ამერიკაში, რომელიც საკმარისად ძლიერი იქნება ომის შესაჩერებლად. მშვიდობას აქვს სახელი – დონალდ ტრამპი”, – განაცხადა ორბანმა.