“რუსეთის წინააღმდეგ ომში უკრაინისთვის აშშ-ის დახმარება ახლა შეჩერებულია” – ჯონ კირბი

რუსეთის წინააღმდეგ ომში უკრაინისთვის აშშ-ის დახმარება ახლა შეჩერებულია, – ამის შესახებ თეთრი სახლის ეროვნული უსაფრთხოების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა.

როგორც კირბიმ აღნიშნა, ვაშინგტონში გრძელდება მოლაპარაკებები დახმარების პაკეტზე და დასძინა, რომ მნიშვნელოვანია, კონგრესმა დაფინანსების გაგრძელება დაამტკიცოს უკრაინის დასახმარებლად.

„ჩვენ მიერ გაწეული დახმარება ახლა შეჩერებულია. თავდასხმები, რომლებსაც რუსები ახორციელებენ, მხოლოდ ძლიერდება. ისინი იყენებენ ჩრდილოეთ კორეის ბალისტიკურ რაკეტებს თავიანთი ბინძური საქმის შესასრულებლად. ასე რომ, დახმარების საჭიროება დიდია, განსაკუთრებით, ზამთრის პერიოდში“, – განაცხადა ჯონ კირბიმ.