“არ მაქვს ინფორმაცია, საქართველოს ხელისუფლება სანქციებს არღვევს, თუ არ ასრულებს, ვიდრე ეს არ დაუმტკიცდება, სანქციის დამრღვევს ვერ ვუწოდებ”- იაგო ხვიჩია

არ მაქვს ინფორმაცია იმის თაობაზე, რაც საქართველოს ხელისუფლება სანქციებს მიუერთდა, სანქციებს არღვევს, – ამის შესახებ „გირჩის“ წევრმა, იაგო ხვიჩიამ განაცხადა, რითიც გამოეხმაურა „ფაქტ-მეტრის“ დასკვნას, რომლის მიხედვითაც, ირაკლი ღარიბაშვილის განცხადება, რომ სანქციების დარღვევის ერთი ფაქტიც არ დაფიქსირებულა, სიმართლეა.

მისი თქმით, ვიდრე არ დამტკიცდება, რომ ხელისუფლება რაიმე სანქციას უერთდება და არ ასრულებს, იქამდე მათ სანქციის დამრღვევს ვერ უწოდებს.

„ზოგადად, სანქციებთან დაკავშირებით ბოლომდე პირნათელი არათუ ჩვენ, არამედ ყველა სანქციას მიერთებული სხვა ცივილური ქვეყნებიც არ არიან. არ მაქვს ინფორმაცია იმის თაობაზე, რაც საქართველოს ხელისუფლება სანქციებს მიუერთდა, სანქციებს არღვევს. რაღაც სანქციებზე ღიად თქვეს, რომ არ ვუერთდებითო. საქართველოში მთავარი პრობლემა გაჩნდა ის, რომ მედიამ ვერ გაარკვია, „ქოცები“ რომელ სანქციას უერთდებიან და რომელს – არა. თუ რაიმეს არ უერთდებიან, ვერ იტყვი, რომ რაიმე დაარღვიეს, მაგრამ რაიმეს თუ უერთდებიან და არ ასრულებენ, ამის თაობაზე სათანადო ინფორმაცია არ გვაქვს. ვიდრე ეს არ დაუმტკიცდებათ, მანამდე მათ სანქციის დამრღვევს ვერ ვუწოდებ“, – განაცხადა ხვიჩიამ.