1. Home
  2. TOP სიახლე
  3. 24 მარტის ასტროლოგიური პროგნოზი
24 მარტის ასტროლოგიური პროგნოზი

24 მარტის ასტროლოგიური პროგნოზი

1.55K
0

ვერძი

ამ დღეს შეიძლება თავში ბრწყინვალე იდეა მოგივიდეთ, რომელიც მომავალში მნიშვნელოვან შემოსავალი მოგიტანთ, ამიტომ ხუმრობით ნუ მიუდგებით და, რომ არ დაგავიწყდეთ, სადმე ჩაიწერეთ. ეცადეთ, პირად ურთიერთობებში ტაქტი გამოიჩინოთ და საყვარელ ადამიანზე ზეწოლა არ მოახდინოთ. დღის უდიდესი ნაწილი მოსაწყენი სამუშაოს შესრულება მოგიწევთ, მაგრამ მიზნის მისაღწევად ეს მნიშვნელოვანია.

კურო

შესაძლოა, დიდი ხანია მუშაობთ პროექტზე, რომელმაც თანდათან აქტუალურობა დაკარგა. იქნებ დროა, ახალი მიზნები, სამოქმედო სტრატეგია და განვითარების გზები მოძებნოთ. ეცადეთ, გარშემო მყოფი ადამიანების განწყობა გაითვალისწინოთ, რათა თქვენი ერთობლივი საქმიანობა ნაყოფიერი იყოს. სავარაუდოდ, ისეთი გადაწყვეტილების მიღება მოგიწევთ, რომელიც თქვენს მომავალზე აისახება.

ტყუპები

კითხვების დასმის და ცნობისმოყვარეობის გამოჩენის ნუ შეგეშინდებათ. შესაძლოა, მიიღოთ ინფორმაცია, რომელსაც დიდი ხანია ეძებთ. მეგობრები ორიგინალურ იდეას შემოგთავაზებენ, რომელსაც ყურადღება უნდა მიაქციოთ. პირად ურთიერთობებში ყველაფერი კარგადაა – შესაძლოა, მომდევნო ეტაპზე გადახვიდეთ. აჩქარება, პრობლემების გარდა, არაფერს მოგიტანთ, ამიტომ მშვიდად და თანმიმდევრულად იმოქმედეთ.

კირჩხიბი

მოვლენებით დატვირთული და ნაყოფიერი დღეა. ეცადეთ, დილიდან ენერგიით დაიმუხტოთ და მუშაობა დროულად დაიწყოთ. გირჩევთ, დაასრულოთ ძველი პროექტი, რომელზედაც დიდი ხანია, მუშაობთ. ახალი ნაცნობობა ძალიან გამოგადგებათ – შესაძლოა, საჭირო ადამიანებს შეხვდეთ და მათი მხარდაჭერა მოიპოვოთ.

ლომი

ამ დღეს აჩქარება საჭირო არ არის. შეგიძლიათ, მშვიდად და თანმიმდევრულად იმოქმედოთ. მთავარია, საკუთარი წარმატებების ან საინტერესო გეგმების შესახებ არავის უამბოთ, რადგან გამორიცხული არ არის, თქვენთვის ხელის შეშლა სცადონ. სავარაუდოდ, საღამოს მნიშვნელოვანი შეხვედრა გელით.

ქალწული

დახმარების იმედი ნუ გექნებათ, მხოლოდ საკუთარ თავს უნდა დაეყრდნოთ. პროფესიულ საკითხებზე მუშაობის პარალელურად, ოჯახური პრობლემების მოგვარებაც მოგიწევთ. რამდენიმე საქმის ერთდროულად კეთებამ და გაზრდილმა პასუხისმგებლობამ შეიძლება შეცდომები გამოიწვიოს, ამიტომ ყურადღება არ უნდა მოადუნოთ. საღამოს ვარჯიში ან სუფთა ჰაერზე სეირნობა სტრესის მოხსნაში დაგეხმარებათ.

სასწორი

გაზრდილი ემოციური ფონის გამო გარშემო მყოფებთან ურთიერთობა გიჭირთ, ამიტომ ვარსკვლავები ურთიერთობების შეზღუდვას გირჩევენ. სანამ საინტერესო შეთავაზებას დათანხმდებით, კარგად დაფიქრდით და თუ საჭიროა, რჩევა გამოცდილ ადამიანებს სთხოვეთ. საღამოს ეცადეტ, ემოციურად განიტვირთოთ და სამსახურის პრობლემები დაივიწყოთ.

მორიელი

დილიდან შფოთვას და გაურკვევლობას გრძნობთ. საკუთარ თავში „ნუ ჩაიკეტებით.“ თქვენი განცდების შესახებ ახლო ადამიანებს ესაუბრეთ და გამოცდილება გაუზიარეთ. შეგიძლიათ ცოტა ხნით სამსახურის პრობლემების შესახებ დაივიწყოთ და განიტვირთოთ. ეცადეთ, ყველაფრის მიმართ, რაც თქვენ გარშემო ხდება, პოზიტიური დამოკიდებულება გქონდეთ.

მშვილდოსანი

სიკეთე და სხვა ადამიანების დახმარების სურვილი, რა თქმა უნდა, მშვენიერია, მაგრამ ამან თქვენი ინტერესები არ უნდა დააზარალოს. ეცადეთ, შესაძლებლობა ხელიდან არ გაუშვათ და პირადი საქმეები დროულად მოაგვარეთ. სასურველია, საღამო განმარტოებით გაატაროთ და ბოლო დღეების მოვლენები გააანალიზოთ.

თხის რქა

შესაძლებელია, მოულოდნელად ისეთ სიტუაციაში აღმოჩნდეთ, როცა ორიენტირება და სწორი გადაწყვეტილების მიღება ძნელია. გამორიცხული არ არის, რომ გარშემომყოფებმა თქვენით მანიპულირება და ზეწოლა სცადონ. სიმტკიცე გამოიჩინეთ და არ დანებდეთ, თუ ეს თქვენს ინტერესებში შედის. შესაძლოა, რომელიღაც ახლობელმა იმედები გაგიცრუოთ.

მერწყული

ნუ ეცდებით, ყველაფერი აკონტროლოთ, რაც ამ დღეს თქვენ გარშემო ხდება. უმჯობესია, დამკვირვებლის პოზიციას დასჯერდეთ. თუ ახლობელმა ადამიანმა დახმარება გთხოვათ, ეცადეთ, იმედი არ გაუცრუოთ. ერთი შეხედვით მაცდურ წინადადებას სიფრთხილით მოეკიდეთ და დაუფიქრებლად არ დათანხმდეთ. ეცადეთ, მეტი მოისმინოთ და ნაკლები ილაპარაკოთ.

თევზები

გეჩვენებათ, რომ გარშემომყოფებს თქვენი არ ესმით, მაგრამ ეს კონფლიქტის მიზეზი არ არის. აკონტროლეთ თქვენი ემოციები და მოერიდეთ საყვარელ ადამიანებთან რთულ თემებზე საუბრებს. ეცადეთ, საკუთარი შეცდომები არ გაიმეოროთ.