1-ელი აპრილის ასტროლოგიური პროგნოზი

ვერძი

ამ დღეს შეიძლება, დაგეგმილზე მეტი დახარჯოთ. ამიტომ შოპინგის ცდუნებებს არ აჰყვეთ – შეიძლება რაღაც ისეთი იყიდოთ, რაც მოგვიანებით უსარგებლოდ მოგეჩვენებათ. თუ საქმე დიდ ფინანსურ ინვესტიციებს ეხება, უმჯობესია გადაწყვეტილების მიღება რამდენიმე დღით გადადოთ, რათა სიტუაციაში უკეთ გაერკვეთ.

რჩევა: ფულის უაზროდ ფლანგვას მოერიდეთ და ოჯახური ბიუჯეტი რაც შეიძლება მომჭირნედ დაგეგმეთ.

კურო

ვარსკვლავები გიჩევენ, რომ ოჯახურ ურთიერთობებს მეტი ყურადღება დაუთმოთ. თუ გვერდით საყვარელი ადამიანი გყავთ, ერთობლივი ვახშამი ან კულტურული დასვენება დაგეგმეთ – ეს რომანტიკული კავშირის გაღრმავებაში დაგეხმარებათ. მარტოხელა კუროს შეიძლება ახალი თაყვანისმცემელი გამოუჩნდეს. მთავარია, არ დაიზაროთ და ინიციატივა თავადაც გამოიჩინოთ.

რჩევა: იზრუნეთ საყვარელ ადამიანებზე და ისინიც იმავეთი გიპასუხებენ. ურთიერთობის გაძლიერება ყურადღების პატარა ნიშნებსაც კი შეუძლიათ.

ტყუპები

ტყუპებს საკუთარ დაბნეულობასთან გამკლავება მოუწევთ. თავში უამრავი იდეა მოგივათ, მაგრამ მათი ორგანიზება და ბოლომდე მიყვანა რთული იქნება. საქმეების დაგროვება რომ თავიდან აიცილოთ, დღის მკაფიო გეგმა შეადგინეთ და ნელ-ნელა მიჰყევით. გირჩევთ, გარშემო მყოფებს კითხვებით ნუ შეაწუხებთ, განსაკუთრებით, თუ ეს კითხვები პირად ცხოვრებას ეხება.

რჩევა: ყურადღება მიაქციეთ საკუთარ ჯანმრთელობას და იზრუნეთ იმუნური სისტემის გაძლიერებაზე. შეამცირეთ ურთიერთობა ადამიანებთან, რომლებიც გაღიზიანებენ.

კირჩხიბი

ამ დღეს საკუთარ ჯანმრთელობას მეტი ყურადღება უნდა მიაქციოთ. შეიძლება გადაღლილობა და ენერგიის დაქვეითება იგრძნოთ. განსაკუთრებული სიფრთხილე მართებთ მათ, ვისაც კუჭ-ნაწლავის პრობლემები აქვს – გადახედეთ კვების რაციონს და მძიმე საკვებს მოერიდეთ. სუფთა ჰაერზე სეირნობა და მსუბუქი ფიზიკური აქტივობა სასიცოცხლო ენერგიით აგავსებთ.

რჩევა: უსმინეთ საკუთარ ორგანიზმს და ზედმეტი საკვებისა და კოფეინის მიღებას მოერიდეთ. დროა მავნე ჩვევებისგან გათავისუფლდეთ და ვარჯიში დაიწყოთ.

ლომი

ამ დღეს ერთადერთი სურვილი გაქვთ – დასვენება გინდათ, მაგრამ საქმიანი ვალდებულებები ამის საშუალებას არ გაძლევთ. თუ საქმიან შეხვედრას მყუდრო გარემოში მოაწყობთ, დღე უფრო ნაყოფიერად ჩაივლის. ყურადღება მიაქციეთ შეთავაზებებს, რომლებსაც ამ დღეს მიიღებთ – ისინი შეიძლება პერსპექტიული აღმოჩნდეს.

რჩევა: სასურველია, საღამო მეგობრებთან ერთად გაატაროთ. შემოქმედებითი მიდგომა თქვენი საქმეებისთვის სასარგებლო იქნება.

ქალწული

ეს დღე მოულოდნელი შემოსავლით ან ლამაზი საჩუქრებით დაგამახსოვრდებათ. გამორიცხული არ არის, რომ მეგობარმა ძველი, დავიწყებული ვალი დაგიბრუნოთ, პრემია მიიღოთ ან მოგებიანი შეთანხმების დადება შეძლოთ. უფულობას რომც არ უჩიოდეთ, ვარსკვლავები გირჩევენ, რომ დიდ ხარჯებს მოერიდოთ ან ფული რაიმე სასარგებლოზე დახარჯოთ.

რჩევა: ამ დღეს ურთიერთობებში მეტი სიფრთხილე გმართებთ, განსაკუთრებით — უცნობ ადამიანებთან.

სასწორი

სასურველია, რომ ეს დღე მთლიანად საყვარელ ადამიანს დაუთმოთ. უბრალო ყურადღების ნიშნებიც კი საკმარისია, რომ ურთიერთობაში ემოციები გააცოცხლოთ. მარტოხელა სასწორებმა შეიძლება ძველი ურთიერთობები გაიხსენონ, მაგრამ სანამ ძველ კავშირებს აღადგენთ, დაფიქრდით, ეს ნამდვილად გჭირდებათ თუ არა.

რჩევა: რომანტიკა მხოლოდ საჩუქრები არ არის — პირველ რიგში, ეს ზრუნვა და ყურადღებაა. ეცადეთ საყვარელი ადამიანი გაახაროთ.

მორიელი

პრობლემები შეიძლება დილიდანვე დაიწყოს, ამიტომ რთული დღისთვის უნდა მოემზადოთ. შუა დღეს შეიძლება ენერგიის დონემ მკვეთრად დაიკლოს და დაწყებული საქმეების დასრულება გაგიჭირდეთ, მაგრამ ნუ ინერვიულებთ, საღამოს სიტუაცია შეიცვლება.

რჩევა: ყველაზე მოსაწყენ საქმესაც კი ადვილად გაუმკლავდებით, თუ შემოქმედებითად მიუდგებით.

მშვილდოსანი

ყურადღება მიაქციეთ ნერვიული სისტემის მდგომარეობას. ხლსაყრელი დღეა იმისთვის, რომ ემოციების კონტროლი და მოდუნება ისწავლოთ. სასურველი შედეგის სწრაფად მისაღწევად, გირჩევთ თქვენი გეგმა მცირე ნაწილებად დაყოთ და მოვლენები არ დააჩქაროთ. ამ დღეს მხოლოდ საკუთარ ძალებს უნდა დაეყრდნოთ – პარტნიორებს და მოკავშირეებს ახლა თქვენთვის არ სცალიათ.

რჩევა: თუ მოსალოდნელ რისკებს გაითვალისწინებთ, შეიძლება შეცდომები თავიდან აიცილოთ.

თხის რქა

ამ დღეს შეიძლება შინაგან კონფლიქტს შეეჯახოთ – ერთი მხრივ, დასვენება გსურთ, მეორე მხრივ კი ხვდებით, რომ საქმეს თქვენს ნაცვლად საქმეს არავინ გააკეთებს. ეცადეთ კომპრომისი მოძებნოთ – დილას ყველაზე მნიშვნელოვანი საქმეები დაასრულოთ, საღამოს კი გაერთოთ და დაისვენოთ. ხელსაყრელი დღეა ინტელექტუალური საქმიანობისთვის.

რჩევა: ეცადეთ ფინანსურად მოგებიან გარიგებებს მეტი ყურადღება მიაქციოთ.

მერწყული

ამ დღეს შეიძლება საინტერესო ფინანსური შემოთავაზება მიიღოთ. სავარაუდოდ, საქმე ახალ ინვესტიციას ან მოულოდნელ შემოსავალს ეხება, თუმცა მნიშვნელოვანია, რომ ინფორმაცია კარგად გადაამოწმოთ – ეს დღე შესაფერისია დაგეგმვისა და ფიქრისთვის, მაგრამ არა — იმპულსური გადაწყვეტილებებისთვის. მოერიდეთ სარისკო ინვესტიციებს.

რჩევა: ფინანსურ საკითხებში სიფრთხილე გამოიჩინეთ, მაგრამ პერსპექტიული შესაძლებლობები ხელიდან არ გაუშვათ.

თევზები

შესაძლოა, სურვილი გაგიჩნდეთ, რომ პირად ცხოვრებაში რამე შეცვალოთ. ადამიანები, რომლებსაც დღეს შეხვდებით, თქვენი ერთგული მოკავშირეები და კარგი მეგობრები გახდებიან, ამიტომ, მიწვევაზე უარს ნუ იტყვით და წვეულებაზე გაემგზავრეთ. შოპინგისთვის არახელსაყრელი დღეა — შეძენილი ნივთი იმედს მალე გაგიცრუებთ.

რჩევა: ეცადეთ, ურთიერთობის დროს ოპონენტი არ შეურაცხყოთ და საჭირო სიტყვები დიდი სიფრთხილით შეარჩიოთ.