სოფელ ავლევში 30 წლამდე ასაკის ქალი მოკლეს
427
0
შიდა ქართლში, სოფელ ავლევში, მკვლელობა მოხდა. გარდაცვლილია 30 წლამდე ქალი. ინფორმაციას “რუსთავი 2” ავრცელებს.
ადგილობრივების ინფორმაციით, ახალგაზრდა ქალი თბილისში, ერთ-ერთ ფსიქიატრიულ კლინიკაში მკურნალობდა, სადაც დაუმეგობრდა თავისზე უფროსს ბიჭს. მოგვიანებით მათ გოგონას მშობლებთან გააგრძელეს ცხოვრება და მათი მეთვალყურეობით იღებდნენ მედიკამენტებს. მკვლელობა კი სავარაუდოდ, რამდენიმე დღის წინ საოკუპაციო ხაზის გასწვრივ მდებარე სოფელ ავლევში მოხდა.
გავრცელებული ინფორმაციით, პოლიციამ დანაშაულის ჩადენიდან მალევე მამაკაცი განზრახ მკვლელობის ბრალდებით დააკავა.
