სასაცილო კი არა, სატირალია იმის გაგება, რომ თურმე ჩინეთში მოსკოვის დავალებით ჩამოვედით -ნიკოლოზ სამხარაძე

ძალიან სამწუხაროა, რომ საქართველოში ოპოზიციურ პოლიტიკურ სპექტრში საგარეო პოლიტიკისა და ზოგადად, საერთაშორისო ურთიერთობების ანალიზის გაკეთების უნარი არავის აქვს, – ამის შესახებ ჩინეთში, პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ განაცხადა, სადაც „ქართული ოცნების“ თავმჯდომარის, ირაკლი კობახიძის ხელმძღვანელობით, მმართველი პარტიის დელეგაცია იმყოფება.

„უბრალოდ სასაცილო კი არა, სატირალია იმის გაგება, რომ თურმე ჩვენ ჩინეთში მოსკოვის დავალებით ჩამოვედით. ისინი ვერც კი ხვდებიან, რომ ჩვენ კი არ გვაყენებენ რაიმე ტიპის შეურაცხყოფას, არამედ შეურაცხყოფას აყენებენ ჩინეთს, რომელიც მსოფლიოში ერთ-ერთი ყველაზე მნიშვნელოვანი სახელმწიფოა“, -აღნიშნა სამხარაძემ.

ირაკლი კობახიძის ხელმძღვანელობით, მმართველი პარტიის დელეგაცია ჩინეთში შეხვედრებს მართავს. მსჯელობა, ორ ქვეყანას შორის სხვადასხვა მიმართულებით არსებულ თანამშრომლობაზე მიმდინარეობს. „ქართული ოცნების“ თავმჯდომარეს შეხვედრები პეკინსა და შანხაიში აქვს დაგეგმილი.