,,საქართველოს მოქალაქეებმა თავად უნდა აშენონ საკუთარი მომავალი”- ევროპარლამენტარი კლერ დეილი
ისევ ვსაუბრობთ უცხოეთის ჩარევაზე საქართველოში. ჩვენ თავად უხეშად როდესაც ვერევით, არასდროს ვსაუბრობთ საქართველოში არსებული ცხოვრების რეალობაზე, რომ საქართველოს მოსახლეობის თითქმის მეოთხედი საზღვარგარეთ ცხოვრობს, მათ ქვეყნის დატოვებას აიძულებს უკიდურესი სიღარიბე და შრომის უფლებების არარსებობა, საშუალო ხელფასი საქართველოში არის 360 ევრო თვეში, – ამის შესახებ ევროპარლამენტარმა, კლერ დეილმა განაცხადა.
როგორც კლერ დეილმა ევროპარლამენტში საქართველოს საკითხზე გამართული დებატებისას განაცხადა, საქართველოს მოქალაქეებმა თავად უნდა აშენონ საკუთარი მომავალი.
„ემიგრაცია არის მთავარი, რასაც ქართველები ელოდებიან ევროკავშირის წევრობისგან და ისინი არ არიან ჩვენი ღირებულებების ფანატიკური მხარდამჭერები. მათ გაცილებით უფრო დიდ პრობლემებზე აქვთ საზრუნავი. მაშინ, როდესაც ევროკავშირი აფრთხილებს საქართველოს კანონის უზენაესობაზე საქართველოს ნებისმიერ კანონმდებლობასა და საზოგადოებაში, რათა დაინახოს შეესაბამებიან თუ არა ისინი ჩვენს ღირებულებებს, ამავე დროს ის არაფერს აკეთებს საქართველოში საცხოვრებელი პირობებისა და ხელფასების გაუმჯობესებისთვის.
საქართველოს არასამთავრობო კლასი არის აბსოლუტურად მაქსიმალისტური, როდესაც საქმე ლიბერალურ რეფორმებს ეხება, მაგრამ ისევე როგორც ევროკავშირი, მინიმალისტურია, როდესაც საქმე ეხება ღირსეული ცხოვრების შენებას, დასაქმებულთა უფლებებს, მინიმალურ ხელფასებს და სოციალურ უსაფრთხოებას. სწორედ ეს ხდება, როდესაც შენი მოძრაობები, არა ქვემოდან, არამედ ზემოდან იმართება და მხარდაჭერილი გრანტებიდან მიღებულ თანხებით. ოდესმე შევწყვეტთ ჩარევას და თავად ქართველებს მივცემთ საშუალებას, თავად აშენონ საკუთარი მომავალი?“, – განაცხადა კლერ დეილმა.
