1. Home
  2. TOP სიახლე
  3. ქართველი ხალხი ქუჩაში გამოვიდა უფრო მეტი ევროპის მოთხოვნით – ემანუელ მაკრონი

ქართველი ხალხი ქუჩაში გამოვიდა უფრო მეტი ევროპის მოთხოვნით – ემანუელ მაკრონი

ქართველი ხალხი ქუჩაში გამოვიდა უფრო მეტი ევროპის მოთხოვნით – ემანუელ მაკრონი
0
0

საფრანგეთის პრეზიდენტის, ემანუელ მაკრონის განცხადებით, დღეს საქართველოსთვის ისტორიული დღეა.

როგორც დღეს გამართულ პრესკონფერენციაზე მაკრონმა განაცხადა, საქართველოსთან მიმართებაში არსებობს პირობები, რომელიც უნდა დაკმაყოფილდეს.

„ეს არის ისტორიული დღე. ის, რომ აღიარებული იქნა საქართველოს წევრობის პერსპექტივა. ნათლად იყო გაცხადებული, თუ რა პირობები არსებობს კანდიდატის სტატუსის მისაღებად, რაც აღნიშნა ურსულა ფონ დერ ლაიენმა. ჩვენ ვნახეთ, რა მკაფიო იყო საქართველოს პრეზიდენტის გზავნილი და ხალხი გამოვიდა ქუჩაში მეტი ევროპის მოწოდებით. ეს არის კარგი საფუძველი იმ რეფორმებისთვის, რომელიც უნდა გატარდეს“, – განაცხდა მაკრონმა.

როგორც ემანუელ მაკრონმა აღნიშნა, ევროკომისიის არჩევანით უკრაინასა და მოლდოვას მიეცა კანდიდატის სტატუსი, ასევე საქართველოს მიეცემა კანდიდატის სტატუსი, როდესაც დააკმაყოფილებს იმ პრიორიტეტებს, რომელიც განსაზღვრა ევროპულმა კომისიამ.

 “ჩვენ შევთავაზეთ ევროპული პერსპექტივა უკრაინას, მოლდოვას და საქართველოს, ეს არის ძლიერი სიგნალი რუსეთის მიმართულებით მიმდინარე გეოპოლიტიკურ კონტექსტში​. მინდოდა ხაზი გამესვა, რამდენად მნიშვნელოვანი გახლავთ ეს იმ კონტექსტში, რომელშიც ვცხოვრობთ, ომის კონტექსტში, რომელიც რუსეთმა გადაწყვიტა დაეწყო, რომელიც მიმდინარეობს უკრაინის მიწაზე. ერთი კვირის წინ, კიევში ჩვენ ავიღეთ ვალდებულება, კიევში მიგვეღწია შეთანხმება, რათა უკრაინისთვის მიგვეცა კანდიდატის სტატუსი, რომელიც მისცემდა ევროკავშირში გაწევრიანების საშუალებას. ჩვენ მივეცით მათ საგზაო რუკა, ეს ყველაფერი იყო დამოკიდებული უკრაინაზე. ჩვენ ძალიან დიდი ნაბიჯი გადავდგით წინ პრეზიდენტ მიშელთან და უკრაინასთან ერთად, ჩვენ მივაღწიეთ კონსენსუსს საბჭოს წევრებს შორის. ჩვენ პრეზიდენტ ზელენსკის ნათელ გზავნილს ვუგზავნიდით, რომ კონფლიქტის პირველი დღიდან ევროპა გაერთიანებულიყო. ძალიან აქტიურად ხდებოდა რეაგირება ამ კონფლიქტზე, პირველ რიგში სანქციები, შემდეგ მარკოეკონომიკური, სამხედრო და ფინანსური მხარდაჭერით, პოლიტიკური ჟესტების თვალსაზრისით ერთიანი, ძლიერი, გაერთიანებული ევროპა ასრულებდა მის წინაშე მდგარ ამოცანას.

ჩვენ შევთავაზეთ ევროპული პერსპექტივა უკრაინას, მოლდოვას და საქართველოს, ეს არის ძლიერი სიგნალი რუსეთის მიმართულებით მიმდინარე გეოპოლიტიკურ კონტექტსში. ჩვენი არჩევანით უკრაინას და მოლდოვას მიეცეს კანდიდატის სტატუსი, ასევე საქართველოს მიეცემა კანდიდატის სტატუსი, როდესაც დააკმაყოფილებენ იმ პრიორიტეტებს, რომელიც განსაზღვრა ევროპულმა კომისიამ.

ჩვენ ვალი გვაქვს უკრაინელების წინაშე, ისინი იბრძვიან ჩვენი ღირებულებებისთვის, თავისი სუვერენიტეტისა და ტერიტორიული მთლიანობისთვის. მოლდოვას პოზიციას უნდა ვუპასუხოთ ჩვენ, ეს იქნება ხანგრძლივი გზა, იქნება ძალიან ბევრი პირობა. მზად ვიქნებით, დავეხმაროთ ნებისმიერ რეფორმებში პრეზიდენტ მიშელს. მან აღწერა დეტალური გზა დისკუსიებისა, რომელიც მიმდინარეობს დასავლეთ ბალკანეთის რეგიონთან. ჩვენ ყველაფერს გავაკეთებთ, რომ კენჭისყრა ჩატარდეს ჯეროვნად ბულგარეთის პარლამენტში. ჩვენთვის არის საშუალება, ეს შესაძლებლობაც შევასრულოთ. ძალიან დიდი რისკი აიღო საკუთარ თავზე ჩრდილოეთ მაკედონიამ უკანასკნელ კვირებში. ჩვენ გარღვევას უნდა მივაღწიოთ ალბანეთთან მიმართებაში. გადამწყვეტი ნაბიჯები გადავდგათ ვლაპარაკობთ რა უკრაინაზე, საქართველოსა და მოლდოვაზე უფრო მნიშვნელოვანია ეს საუბრები, რადგან ომი დაბრუნდა ევროპის მიწაზე. დესტაბილიზაცია მიმდინარეობს ჩვენ სამეზობლოში ამ კონტექტსში ჩვენ საღამოს განვიხილავთ თანამშრომლობის ფორმებს გაფართოების თვალსაზრისით, ევროპული პოლიტიკური თანამშრომლობის თვალსაზირსით. დიდი მადლობა ბატონ პრეზიდენტს და ისტორიულ გადაწყვეტილებებს, რომელიც მიღებულია დღეს“, – განაცხადა მაკრონმა.