შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ბათუმში მომხდარ მკვლელობის ფაქტთან დაკავშირებით თურქეთის რესპუბლიკის ორი მოქალაქე: 2003 წელს დაბადებული ა.ე. და 1998 წელს დაბადებული მ.ჯ. დააკავეს. ინფორმაციას შინაგან საქმეთა სამინისტრო ავრცელებს. „ა.ე. – ეს ბრალად ედება განზრახ მკვლელობა და ცეცხლსასროლი იარაღის უკანონო-შეძენა-შენახვა ტარება. ხოლო მ.ჯ. განსაკუთრებით მძიმე […]

ვერძი შესაძლოა, კოლეგების მხრიდან საყვედური დაიმსახუროთ, თავის მართლება მხოლოდ იმ შემთხვევაში იქნება სწორი, თუ დარწმუნებული ხართ თქვენს სიმართლეში. კურო ჰორიზონტზე ახალი პერსპექტივები ჩნდება, რაც მთლიანად თქვენს ჩართულობასა და ძალისხმევას მოითხოვს. შეეცადეთ, ასეთ საქმეებზე სრულად იყოთ მობილიზებული. ტყუპები სასურველია, მეტი იმოძრაოთ, სამომავლოდ გადადეთ ის საქმეები, რომელიც ერთ ადგილზე ყოფნას მოითხოვს. მეტი ყურადღება დაუთმეთ თქვენთვის სასარგებლო და […]

საქართველოს პროკურატურამ, ორგანიზებული ჯგუფის მიერ სახელმწიფოს კუთვნილი დიდი ოდენობით თანხის მოტყუებით დაუფლების და ყალბი საგადასახადო და ოფიციალური დოკუმენტების დამზადება-გამოყენების ფაქტებზე 12 პირს ბრალდება წარუდგინა. ფინანსთა სამინისტროს საგამოძიებო სამსახურის მიერ ჩატარებული გამოძიებით დადგინდა, რომ ააიპ „სოფლის განვითარების სააგენტო” 2019 წლიდან მთავრობის შესაბამისი დადგენილების საფუძველზე, ფიზიკური პირების და ინდივიდუალური მეწარმეების სასოფლო-სამეურნეო ტექნიკის შესაძენად თანადაფინანსებას ახორციელებდა. პროექტის მიხედვით, სახელმწიფო კისრულობდა ზემოაღნიშნული ტექნიკის შეძენის ღირებულების თანაგადახდას მაქსიმუმ 50%-ის ფარგლებში, არაუმეტეს 150 000 ლარისა. ხსენებული პროგრამით სარგებლობისთვის, ბენეფიციარს სააგენტოში უნდა წარედგინა ტექნიკის მიმწოდებლის მიერ გამოწერილი ინვოისი, თავისი თანამონაწილეობის თანხის გადახდის დამადასტურებელი ქვითარი, კერძო აუდიტორული დასკვნა ბენეფიციარის მიერ ხელშეკრულებით გათვალისწინებული ვალდებულების შესრულების შესახებ, რის შემდეგაც სოფლის განვითარების სააგენტო, სასოფლო-სამეურნეო ტექნიკის შესაძენად გამიზნულ თანამონაწილეობის თანხას ურიცხავდა ბენეფიციარს. ხსენებული პროექტის ფარგლებში გამოყოფილი სახელმწიფოს კუთვნილი დიდი ოდენობით თანხების მართლსაწინააღმდეგოდ დაუფლების მიზნით, ბრალდებულებმა 2021 წლიდან ჩამოაყალიბეს შეთანხმებულად მოქმედი სტრუქტურული ფორმის მქონე დანაშაულებრივი ჯგუფი. ამ მიზნით, 2021-2024 წლების პერიოდში, ბრალდებულებმა თანადაფინანსების მისაღებად, სხვადასხვა ბენეფიციარის სახელით მრავალჯერადად მიმართეს ააიპ „სოფლის განვითარების სააგენტოს” და წარუდგინეს ყალბი ინვოისები, სასაქონლო ზედნადებები, ტექნიკის მიღება-ჩაბარების აქტები და აუდიტორული დასკვნები. წარდგენილი ყალბი დოკუმენტების საფუძველზე სააგენტომ ბრალდებულებს მათივე გამგებლობაში არსებულ საბანკო ანგარიშებზე სასოფლო-სამეურნეო ტექნიკის შესაძენად გამოყოფილი თანადაფინანსების თანხა – 826 815 ლარი ჩაურიცხა. სინამდვილეში, დანაშაულებრივი ჯგუფის წევრებს არანაირი სასოფლო-სამეურნეო ტექნიკა არ შეუძენიათ, სააგენტოსგან მიღებულ დიდი ოდენობით თანხებს კი მართლსაწინააღმდეგოდ დაეუფლნენ და ურთიერთშორის გაინაწილეს. ორგანიზებული ჯგუფის თორმეტივე წევრი დაკავებულ იქნა სასამართლოს შესაბამისი განჩინების საფუძველზე. მათ ბრალდება საქართველოს სისხლის სამართლის კოდექსის 180-ე, 210-ე და 362-ე მუხლებით (ორგანიზებული ჯგუფის მიერ, მართლსაწინააღმდეგო მისაკუთრების მიზნით სხვისი დიდი ოდენობით ნივთის დაუფლება მოტყუებით, ჯგუფურად ყალბი საგადასახადო დოკუმენტის დამზადება – გამოყენება და ყალბი ოფიციალური დოკუმენტის დამზადება – გამოყენება) წარედგინათ. დანაშაული სასჯელის სახედ და ზომად 7- დან 10 – წლამდე თავისუფლების აღკვეთას ითვალისწინებს. პროკურატურა დაკავებულების მიმართ აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს. ფინანსთა სამინისტროს საგამოძიებო სამსახურში გრძელდება გამოძიება ზემოაღნიშნული პროგრამის ფარგლებში მსგავსი დანაშაულებრივი ქმედებების გამოვლენისა და ორგანიზებული ჯგუფის სხვა წევრების მხილების მიზნით.

„ქართული ოცნების“ წევრი, თეა წულუკიანი ჟურნალისტ ნანუკა ჟორჟოლიანს ცილისწამებისთვის უჩივის. როგორც თეა წულუკიანის მიერ გავრცელებულ ინფორმაციაშია აღნიშნული, საქმე ეხება ნანუკა ჟორჟოლიანის მიერ გამოქვეყნებულ სიას, სახელწოდებით: “წულუკიანის მამის მიერ დახვრეტილი ხალხი”. როგორც წულუკიანი წერს, მის ოჯახს მსგავსი ბრალდებების იგნორირების უფლება აღარ რჩება. მისივე თქმით, სარჩელი დედამ, ძმამ და ძმისშვილმა ერთობლივად შეიტანეს. „დღეს, ჩვენს ჭაღებიან გოგონას (ნუ, […]

მსოფლიო რაგბის ოფიციალური გადაწყვეტილებით, 2026 წლის 20-წლამდელთა მსოფლიო ჩემპიონატი საქართველოში ჩატარდება. რაგბის ახალგაზრდა ტალანტებს თბილისისა და ქუთაისის სტადიონები უმასპინძლებენ. ეს უკვე მეორე შემთხვევაა, როცა საქართველო პრესტიჟული სარაგბო ტურნირის მასპინძელი იქნება. 2017 წელს, პირველად ვუმასპინძლეთ 20-წლამდელთა მსოფლიო ჩემპიონატს, რომელმაც საქართველოშიც და საერთაშორისო ასპარეზზეც დიდი რეზონანსი გამოიწვია. 2026 წლის მსოფლიო ჩემპიონატი კიდევ ერთი ფაქტით იქნება მნიშვნელოვანი – […]