მე მაქვს გზავნილი რუსეთისთვის და უკრაინისთვის, დაასრულეთ ეს სულელური ომი -ტრამპი
270
0
აშშ-ის პრეზიდენტის, დონალდ ტრამპი აცხადებს, რომ რუსეთმა და უკრაინამ „სულელური ომი უნდა დაასრულონ“.
აღნიშნული განცხადება ტრამპმა თეთრ სახლში მას შემდეგ გააკეთა, რაც უკრაინაში ამერიკის საელჩომ აშშ-ის მოქალაქეები რუსეთის მხრიდან მოსალოდნელი საჰაერო დარტყმის შესახებ გააფრთხილა.
დონალდ ტრამპს ჟურნალისტმა ჰკითხა, რა იქნებოდა მისი გზავნილი პუტინის მიმართ საელჩოს განცხადების შემდეგ, რაზეც აშშ-ის პრეზიდენტმა უპასუხა, რომ ორივე მხარის მიმართ ერთი გზავნილი აქვს, დაასრულონ ომი.
„მე მაქვს გზავნილი ორივე მხარისთვის – დაასრულეთ ეს ომი. ჩვენ ვკარგავთ 5 000 ჯარისკაცს კვირაში, რუს და უკრაინელ ჯარისკაცებს და ასევე სხვა ადამიანებსაც. დაასრულეთ ეს სულელური ომი, ეს არის ჩემი გზავნილი ორივესთვის“, – განაცხადა ტრამპმა.
