“კიევის ქმედებების უკან დასავლეთი დგას”- რუსეთის საგარეო უწყება

რუსეთის საგარეო საქმეთა სამინისტროს განცხადებით, საერთაშორისო ორგანიზაციებმა მოსკოვსა და ყირიმზე უკრაინული უპილოტო აპარატებით განხორციელებული თავდასხმები უნდა დაგმონ.

უწყებაში აღნიშნავენ, რომ თავდასხმები „ტერორისტულ მეთოდებად და მოსახლეობის დაშინებად უნდა შეფასდეს, რადგან ამ შეტევებს სამხედრო მნიშვნელობა არ ჰქონდა“.

რუსეთის საგარეო საქმეთა სამინისტროში განაცხადეს, რომ „კიევის ქმედებების უკან დასავლეთი დგას, რადგან დაძაბულობის ესკალაცია სურს“.

“რუსეთი იტოვებს უფლებას მკაცრი საპასუხო ზომების განხორციელებაზე“, – ნათქვამია განცხადებაში.