1. Home
  2. TOP სიახლე
  3. კანონის უზენაესობის 2022 წლის ინდექსით საქართველო აღმოსავლეთ ევროპისა და ცენტრალური აზიის რეგიონში პირველ ადგილზეა

კანონის უზენაესობის 2022 წლის ინდექსით საქართველო აღმოსავლეთ ევროპისა და ცენტრალური აზიის რეგიონში პირველ ადგილზეა

კანონის უზენაესობის 2022 წლის ინდექსით საქართველო აღმოსავლეთ ევროპისა და ცენტრალური აზიის რეგიონში პირველ ადგილზეა
46
0

კანონის უზენაესობის 2022 წლის ინდექსით საქართველო მსოფლიოში 49-ე ადგილზეა. შესაბამის ანგარიშს ამერიკული ორგანიზაცია World Justice Project აქვეყნებს. 

“მსოფლიოს მართლმსაჯულების პროექტის” მიერ წარმოებული კანონის უზენაესობის 2022 წლის ინდექსში საქართველოს კვლავ საუკეთესო 50 ქვეყანას შორის დასახელდა, მსოფლიოში კვლავ 49-ე პოზიციაზე გავიდა და აღმოსავლეთ ევროპის და ცენტრალური აზიის რეგიონში I ადგილი დაიკავა.

 აღსანიშნავია, რომ 2021 წლის ანგარიშთან შედარებით, საქართველოს პოზიცია კანონის უზენაეოსობის ინდექსის რეიტინგში არ შეცვლილა. რაც შეეხება 2020 წელს, საქართველო 42-ე საფეხურს იკავებდა.

კანონის უზენაესობით საქართველო საუკეთესო შვიდეულში მოხვდა საშუალოშემოსავლიანი კატეგორიის ქვეყნებს შორის.

რეიტინგში მოწინავე ხუთეული ასე გამოიყურება – დანია, ნორვეგია, ფინეთი, შვედეთი, ნიდერლანდები, ბოლო ადგილს კი ვენესუელა იკავებს. ამასთან, კანონის უზენაესობის ინდექსით უკრაინა 76-ე ადგილზეა. კანონის უზენაესობის 2022 წლის ინდექსის მიხედვით, რუსეთი 107-ე ადგილს იკავებს.

“მსოფლიოს მართლმსაჯულების პროექტის” კანონის უზენაესობის ინდექსი ასახავს კანონის უზენაესობის მდგომარეობას მსოფლიოს 140 ქვეყანაში.

კანონის უზენაესობის თვალსაზრისით არსებული ვითარების შესაფასებლად “მსოფლიოს მართლმსაჯულების პროექტი” იყენებს 44 ინდიკატორს, რომლებიც 8 ფაქტორის გარშემო ჯგუფდება: სამთავრობო ძალაუფლებების შეზღუდვები, კორუფციის არარსებობა, ღია მმართველობა, ფუნდამენტური უფლებები, წესრიგი და უსაფრთხოება, კანონის აღსრულება, სამოქალაქო მართლმსაჯულება, სისხლის სამართალი. 

8 ფაქტორიდან 5 ფაქტორში საქართველო აღმოსავლეთ ევროპის და ცენტალური აზიაში პირველ ადგილზე გავიდა  (კორუფციის არარსებობა, ღია მმართველობა, ფუნდამენტური უფლებები, ნორმატიული უზრუნველყოფა, სისხლისსამართლებრივი  მართლმსაჯულება).

ინდექსის ისეთ წამყვან ფაქტორში, როგორიცაა კორუფციისგან თავისუფლება საქართველო მსოფლიოში 31-ე, ევროპის საუკეთესო ოცეულში კი 19-ე ადგილზეა. 

44 ინდიკატორიდან განსაკუთრებით გამოსარჩევია კრიმინალური დანაშაულის კონტროლის ეფექტიანობის ინდიკატორი, რომლის მიხედვითაც საქართველო აღმოსავლეთ ევროპასა და ცენტრალურ აზიაში პირველია; ევროპის საუკეთესო ათეულში 8-ე ადგილზეა, მსოფლიოში კი 13-ე პოზიციაზეა.

ინდექსის კვლევის მეთოდოლოგია კვალიფიციურ რესპონდენტთა (ექსპერტთა) და მოსახლეობის გამოკითხვას ეფუძნება. ინდექსის კვლევისთვის მსოფლიოში ასეულობით ათასი რესპონდენტი და ექსპერტი გამოიკითხა. კვლევის მონაცემები სტანდარტიზდება 0-1 ქულათა გრადაციაზე: რაც უფრო მაღალია ქულა, მით უფრო მაღალია კანონის უზენაესობა ქვეყანაში.

ცნობისთვის, მთლიანობაში საქართველოს ქულა ძალიან მცირედით 0.01 პუნქტით შემცირდა და საშუალო შემოსავლიანი ქვეყნებს შორის 2022 წელს 7-ე ადგილზე გავიდა, ნაცვლად მეხუთე ადგილისა – (2021წ).