![ისრაელი ღაზის სექტორში სახმელეთო ოპერაციისთვის ემზადება](https://gttv.ge/wp-content/uploads/2023/10/screenshot_7.jpg)
ისრაელი ღაზის სექტორში სახმელეთო ოპერაციისთვის ემზადება
279
0
ისრაელი ღაზის სექტორში სახმელეთო ოპერაციისთვის ემზადება. ანკლავის მოსაზღვრე რაიონებში დიდი რაოდენობით სამხედრო ტექნიკა და ცოცხალი ძალაა მობილიზებული.
ისრაელის სამხედრო ხელმძღვანელობა ოპერაციის დეტალებზე არ საუბრობს, თუმცა, როგორც BBC წერს, სახმელეთო იერიში სავარაუდოდ რამდენიმე დღეში დაიწყება, მანამდე კი ისრაელი ღაზის სექტორზე საავიაციო დარტყმებით „ჰამასის“ მაქსიმალურად დასუსტებას შეეცდება.
სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.