“ევროპის ქვეყნებიდან მხოლოდ უნგრეთი და ავსტრია არ აწვდიან იარაღს უკრაინას” – დმიტრო კულება

ევროპის ქვეყნებიდან მხოლოდ უნგრეთი და ავსტრია არ აწვდიან იარაღს უკრაინას, – ამის შესახებ უკრაინის საგარეო საქმეთა მინისტრმა, დმიტრო კულებამ განაცხადა.

როგორც მან აღნიშნა, ზოგიერთმა ქვეყანამ უკრაინის დასახმარებლად კანონმდებლობა შეცვალა.

ამასთან, უკრაინული მხარე განმარტავს, რომ პარტნიორებს შორის შიდაპოლიტიკური დისკუსიების ყოველი დღე ქვეყანას ფრონტზე ადამიანური დანაკარგები უჯდება.

შეგახსენებთ, რომ გერმანიის თავდაცვის სამინისტრომ უკრაინისთვის მეტი იარაღის მიწოდების შესახებ წინადადებაზე უარი განაცხადა.