ევროკომისიამ რუსეთის წინააღმდეგ სანქციების მე-17 პაკეტის პროექტი მოამზადა – Reuters
ევროკომისიამ რუსეთის წინააღმდეგ სანქციების მე-17 პაკეტის პროექტი მოამზადა. ამის შესახებ ინფორმაციას Reuters სამ ევროპელ დიპლომატზე დაყრდნობით ავრცელებს.
წყაროების ცნობით, ევროკავშირის სანქციების მე-17 პაკეტის პროექტი ორმაგი დანიშნულების საქონელსა და მოწინავე ტექნოლოგიებზე საექსპორტო კონტროლს აძლიერებს.
ერთ-ერთი წყაროს ცნობით, ევროკავშირი ასევე 50-ზე მეტი ფიზიკური და იურიდიული პირის წინააღმდეგ სანქციების შემოღების წინადადებით გამოდის, რომელთა შორის 5 ჩინეთშია, და ასევე 31 კომპანიის წინააღმდეგ, რომლებიც რუსეთის სამხედროებს ეხმარებიან და ჩართულნი არიან სანქციებისთვის გვერდის ავლაში.
რუსეთის “ჩრდილოვან ფლოტთან” ბრძოლის ფარგლებში, ევროკომისია მოსკოვთან დაკავშირებული 100-ზე მეტი გემის შავ სიაში შეყვანის წინადადებითაც გამოდის.
ამავდროულად, ევროკომისია 2026 წლის ივნისამდე რუსეთის “სახალინ-2” ნავთობ-გაზის პროექტის სანქციებიდან გამორიცხვის წინადადებით გამოდის, პროექტის იაპონიისთვის მნიშვნელობიდან გამომდინარე.
