დაპირება იყო, რომ ოპოზიცია ქედსაც მოხრის, თავსაც დახრის და ყურსაც მოიჭრის, თუ შერჩეული იქნება არა „ქართული ოცნება“, არამედ მათი ალტერნატივა რადიკალური ოპოზიციის სახით- გიორგი ვოლსკი

პარლამენტის პირველი ვიცე-სპიკერის, გია ვოლსკის განცხადებით, დაპირება იყო, რომ ოპოზიცია ქედსაც მოხრის, თავსაც დახრის და ყურსაც მოიჭრის, თუ შერჩეული იქნება არა „ქართული ოცნება“, არამედ მათი ალტერნატივა რადიკალური ოპოზიციის სახით.

გია ვოლსკი ჟურნალისტებთან საუბარში ევროსაბჭოს მიერ მიღებულ რეზოლუციას გამოეხმაურა.

„საქართველო ევროპული ქვეყანაა, რომელიც ბოლო 13 წლის განმავლობაში, პოზიტიური ტენდენციების განვითარებით, მსოფლიოს ათეულშია და მას, რომ ისეთი პრეტენზიები წაუყენო, რომ ევროინტეგრაციას ასცდა და მით უმეტეს, რომ არჩევნები გააყალბა და ოპოზიციას ავიწროებს, ეს არის არათუ ორმაგი სტანდარტი, არამედ გაუგონარი უსამართლობა, რომელსაც წინ რაღაც ქედმოხრილ პოზიციაში ვერ დავუდგებით. დაპირება იყო, რომ ქედსაც მოიხრიან, თავსაც დაუხრიან და ყურსაც მოიჭრიან, თუ შერჩეული იქნება არა „ქართული ოცნება“, არამედ მათი ალტერნატივა რადიკალური ოპოზიციის სახით. ეს ფორმულა ჩანს, როცა როცა პარტნიორს და რომელიმე ქვეყნის წარმომადგენელს ესაუბრები, ჩვენს უკან რადიკალური ოპოზიცია დგას, რომელიც თავის თავს სთავაზობენ ნებისმიერი დავალების მონურ შემსრულებლად“, – განაცხადა გია ვოლსკიმ.