ანტალიის დიპლომატიის ფორუმს გამოვიყენებთ იმისთვის, რომ მაქსიმალურად გავაღრმავოთ პარტნიორობა მეგობარ ქვეყნებთან – ირაკლი კობახიძე

ირაკლი კობახიძე – ანტალიის დიპლომატიის ფორუმს გამოვიყენებთ იმისთვის, რომ მაქსიმალურად გავაღრმავოთ პარტნიორობა მეგობარ ქვეყნებთან

მადლობას გადავუხდი ჩვენს თურქ მეგობრებს მოწვევისთვის და შესაძლებლობებისთვის, მონაწილეობა მივიღოთ ანტალიის დიპლომატიის ფორუმში, – ამის შესახებ საქართველოს პრემიერ-მინისტრმა ირაკლი კობახიძემ ანტალიაში ქართველ ჟურნალისტებს განუცხადა. 

როგორც ირაკლი კობახიძემ აღნიშნა, მონაწილეობა მიიღო პანელურ დისკუსიაში, სადაც საინტერესო თემაზე გაიმართა მსჯელობა. 

„ვესწრებით ანტალიის დიპლომატიის ფორუმს. ეს არის ძალიან საინტერესო ღონისძიება, მადლობას გადავუხდი ჩვენს თურქ მეგობრებს, მადლობა მოწვევისთვის და შესაძლებლობებისთვის, მონაწილეობა მივიღოთ საინტერესო ფორუმში. დილიდან მქონდა ღონისძიებები, მონაწილეობა მივიღე პანელურ დისკუსიაში, სადაც საინტერესო თემაზე გაიმართა მსჯელობა, ეს იყო დიპლომატიის როლი საერთაშორისო პოლიტიკაში. ასევე დავესწარი გახსნით ღონისძიებას, სადაც საინტერესო სიტყვით მიმართეს აუდიტორიას, როგორც თურქეთის პრეზიდენტმა, ასევე საგარეო საქმეთა მინისტრმა. ასევე დღეს მქონდა შესაძლებლობა, გამემართა ორმხრივი შეხვედრა აზერბაიჯანის პრეზიდენტთან ილჰამ ალიევთან. ამ ფორმატს გამოვიყენებთ იმისათვის, რომ მაქსიმალურად გავაღრმავოთ ჩვენი პარტნიორობა მეგობარ ქვეყნებთან”, – განაცხადა პრემიერ-მინისტრმა.