„აღვავლენთ ლოცვებს პატარა მარიტა-მარიამის უკვდავი, ნათელი სულისათვის“ – ილია მეორე სამძიმრის წერილს ავრცელებს
474
0
სრულიად საქართველოს კათოლიკოს-პატრიარქი ილია მეორე ვაკის პარკში მომხდარი შემთხვევის შედეგად დაღუპული მოზარდის მშობლებსა და ახლობლებს უსამძიმრებს.
„ბატონო დავით, ქალბატონო ანა – დიდია ჩვენი გულისტკივილი დღეს მომხდარი ტრაგედიის გამო.
აღვავლენთ ლოცვებს პატარა მარიტა-მარიამის უკვდავი, ნათელი სულისთვის, რათა უფალმან თვის საუფლოში, – სავანესა მართალთასა დააწესოს იგი, ხოლო თქვენ მოგმადლოთ ჭირსა შიგან სიმტკიცე და ურყევი რწმენა იმისა, რომ სინამდვილეში სიკვდილი არ არსებობს, რადგან გარდაცვალება არის დასაწყისი ახალი, მარადიული, ჭეშმარიტი ცხოვრებისა, რომელიც მხოლოდ დროებით განგვაშორებს ახლობლებს; მთავარია, ჩვენ შევძლოთ ღვთის გზით სვლა.
ვლოცულობთ მარიტა-მარიამისთვის. ღმერთი იყოს თქვენი შემწე“,– აღნიშნულია პატრიარქის სამძიმრის წერილში.
