მე მხოლოდ ღმერთის, კონსტიტუციისა და ჩემი სინდისის ერთგული ვარ -აშშ-ის ეროვნული დაზვერვის დირექტორობის კანდიდატი

აშშ-ის ეროვნული დაზვერვის დირექტორობის კანდიდატმა, ტულსი გაბარდმა კატეგორიულად უარყო „დემოკრატიული“ პარტიის ბრალდებები, თითქოს იგი მსოფლიო ლიდერების „პაიკია“.

ინფორმაციას ამის შესახებ ტელეკომპანია Fox News-ი ავრცელებს.

სენატის დაზვერვის კომიტეტის წინაშე სიტყვით გამოსვლისას გაბარდმა განაცხადა, რომ ის მხოლოდ ღმერთის, კონსტიტუციისა და საკუთარი სინდისის ერთგულია.

„ისინი, ვინც ჩემს კანდიდატურას ეწინააღმდეგებიან, ამით მიანიშნებენ, თითქოს მე ერთგული ვარ ვინმეს ან რამის, გარდა ღმერთის, ჩემი სინდისისა და ამერიკის კონსტიტუციისა. ამბობენ, რომ თითქოს მე ტრამპის, პუტინის, ასადის, გურუს ან მოდის „პაიკი“ ვარ, თითქოს ერთდროულად ხუთი სხვადასხვა მმართველის გავლენის ქვეშ ვიმყოფები. ეს სრული აბსურდია. იგივე ტაქტიკა გამოიყენეს პრეზიდენტ ტრამპის წინააღმდეგ და ის წარუმატებელი აღმოჩნდა“, – განაცხადა გაბარდმა.