8 ოქტომბრის ასტროლოგიური პროგნოზი

ვერძი

დღეს შეიძლება თქვენ მიმართ ვიღაცისგან ძლიერი შური იგრძნოთ. ამიტომ ნუ ცდილობთ, ყველას აჩვენოთ თქვენი წარმატება და ბედნიერება. სასურველია, დასვენების დღე სიმშვიდეში გაატაროთ და მომავალი სამუშაო კვირისთვის ძალები აღიდგინოთ.

კურო

ზედმეტად ემოციური დღეა, ამიტომ თქვენი მთავარი ამოცანაა გარშემო განვითარებულ მოვლენებს მშვიდად შეხვდეთ. თუ ვინმესთან შერიგებას და მობოდიშებას აპირებთ, უკეთეს დროს ვერ იპოვით. ეცადეთ, საყვარელი ადამიანების მიმართ მეტი ყურადღება გამოიჩინოთ – დღეს მათ თქვენი ზრუნვა და მხარდაჭერა სჭირდებათ.

ტყუპები

დღის პირველი ნახევარი დაძაბული იქნება. ეცადეთ, ემოციები აკონტროლოთ, რადგან ნებისმიერმა დაუფიქრებლად ნათქვამმა სიტყვამ შეიძლება ვითარება დაძაბოს. საღამოს გარშემო მყოფებთან ურთიერთობა გაადვილდება და შესაძლოა, ყველასთვის მისაღები გადაწყვეტილების პოვნაც შეძლოთ. შეიძლება საინტერესო, მოგებიანი შეთავაზება მიიღოთ.

კირჩხიბი

ხელსაყრელი დღეა მშვიდი დასვენებისა და ძალების აღდგენისთვის. ამ დღეს მხოლოდ ის უნდა აკეთოთ, რაც გსიამოვნებთ და დადებით ემოციებს გგვრით. ნუ უპასუხებთ საქმიან ზარებს და ნუ იფიქრებთ სამუშაო პრობლემებზე. სრული უფლება გაქვთ, რომ განმარტოებით დაისვენოთ ან მეგობრებთან ერთად გაერთოთ.

ლომი

ვარსკვლავები გირჩევენ, რომ ეს დღე აქტიურად გაატაროთ, საჭირო ადამიანებს შეხვდეთ და ინიციატივა გამოიჩინოთ. გამოცდილ ადამიანებთან მნიშვნელოვანი საკითხების განხილვა კარიერულ წინსვლაში და საქმიან პარტნიორებთან კავშირების გაძლიერებაში დაგეხმარებათ. საღამოს მოულოდნელი სიახლეებს მიიღებთ, მაგრამ დასკვნების გამოტანამდე ინფორმაცია უნდა გადაამოწმოთ.

ქალწული

ამ დღეს ახლობელ ადამიანებს თქვენი რჩევა და დახმარება დასჭირდება და რა თქმა უნდა, უარი არ უნდა უთხრათ. თავის მხრივ, ამ ადამიანების ქება და აღიარება თვითშეფასების ამაღლებაში დაგეხმარებათ. დროა ჯანსაღი კვების და სპორტდარბაზში სიარულის დაწყებაზე იფიქროთ.

სასწორი

უსმინეთ თქვენს შინაგან ხმას და აკეთეთ ის, რასაც ის გკარნახობთ. შესაძლოა, ამ დღეს იპოვოთ პასუხი კითხვებზე, რომლებიც დიდი ხანია გაწუხებთ. ამ დღეს მიღებული გამოცდილება მომავალში ბევრჯერ გამოგადგებათ. მთავარია, არ გაჯიუტდეთ და ახლობელი ადამიანების რჩევებს დაუჯეროთ.

მორიელი

ამ დღეს სახლში ჯდომა არ შეიძლება. გირჩევთ ახალი, საინტერესო ადგილები დაათვალიეროთ, სადაც დაუვიწყარი თავგადასავლები და ნათელი ემოციები გელით. ეცადეთ, ნებისმიერი კამათი ან დისკუსია თავიდან აიცილოთ. წინააღმდეგ შემთხვევაში სრულიად უწყინარი საუბარი შეიძლება სკანდალით დასრულდეს.

მშვილდოსანი

დილიდან რომანტიკულ განწყობაზე ხართ, ამიტომ გირჩევთ, მთელი დღე საყვარელ ადამიანთან ერთად გაატაროთ და თქვენი გრძნობების შესახებ უამბოთ. თუ ჯერ მარტოხელა ხართ, ეს დღე საინტერესო ნაცნობობას გპირდებათ. შეიძლება მცირე ფინანსური ზარალი განიცადოთ, მაგრამ ნუ ინერვიულებთ – მალე უფრო დიდ შემოსავალს მიიღებთ.

თხის რქა

ეცადეთ, დასვენების დღე მშვიდად, სასიამოვნო საქმეების კეთებაში გაატაროთ. გირჩევთ ახლობელი ადამიანების კრიტიკისგან თავი შეიკავოთ და ამის ნაცვლად, ქათინაურებით გაანებივროთ. ბინის დასუფთავება და ნივთების მოწესრიგება სტრესისგან გათავისუფლებაში დაგეხმარებათ.

მერწყული

ბოლო დღეების ემოციური სტრესი თავს იჩენს, ამიტომ დასვენების დღის მარტოობაში და სიმშვიდეში გატარება მოგინდებათ. შეგიძლიათ ახალი საინტერესო საქმე დაიწყოთ, რომელსაც დიდი ხანია გეგმავთ. საღამოს შეიძლება უცხო ქვეყნიდან სასიამოვნო ამბავი გაიგოთ.

თევზები

მოსალოდნელია საყვარელ ადამიანებთან უთანხმოება, შესაძლოა, კამათიც, თუმცა ძველი მეგობრის დახმარებით, ყველა გაუგებრობა მალე დასრულდება. ყურადღება მიაქციეთ საკუთარ ჯანმრთელობას. საყვარელ ადამიანებთან ურთიერთობა განწყობას აგიმაღლებთ.