კამალა ჰარისი ლიდერობს არჩევნებში ცვლილებების ლოზუნგით – ავთანდილ წულაძე

NBC News-ის ახალი გამოკითხვის თანახმად, ამომრჩეველთა 49% მზადაა ხმა მისცეს კამალა ჰარისს, ხოლო 44% მზად არის ხმა მისცეს დონალდ ტრამპს. შეერთებულ შტატებში ათობით კომპანია ატარებს სოციოლოგიურ გამოკითხვებს. ამ კომპანიების უმრავლესობის ახალი გამოკითხვების მიხედვით, ჰარისი იმარჯვებს და მხოლოდ რამდენიმე გამოკითხვის ცენტრი აქვეყნებს კანდიდატების თანაბარ რეიტინგებს.

https://projects.fivethirtyeight.com/polls/president-general/2024/national/

კამალა ჰარისის აშკარა უპირატესობა მისი პოპულარობის ზრდის დინამიკაა, ხოლო დონალდ ტრამპის მხარდაჭერამ მაქსიმუმს მიაღწია.

ტელეარხი MSNBC-ს ექსპერტების აზრით, ჰარისის წარმატება აიხსნება იმით, რომ ამომრჩეველთა უმრავლესობას აქვს ცვლილებების იმედი თუ ჰარისი გახდება აშშ-ს პრეზიდენტი. როგორც ცვლილებების ლიდერს, ჰარისს ტრამპზე 16%-იანი უპირატესობა აქვს

https://www.msnbc.com/weekends-with-alex-witt/watch/harris-has-given-the-politically-homeless-a – home-in-democrats-big-tent-strategist-219895365686

როდესაც ჯო ბაიდენმა უარი თქვა საპრეზიდენტო არჩევნებში მონაწილეობაზე და დაასახელა კამალა ჰარისი, ისე ჩანდა, რომ ჰარისი გააგრძელებდა ბაიდენის პოლიტიკას.  კამალა ჰარისმა არ ითამაშა ჯო ბაიდენის დუბლიორის როლი. შტატებში გამართულ მიტინგებზე ჰარისი მოუწოდებდა ამომრჩევლებს უკან არ დაბრუნებისკენ და წინსვლისკენ. ჰარისი თავაზობს ამერიკელებს ეკონომიკური ტრანსფორმაციის პროგრამას, რომელიც მიზნად ისახავს ამერიკის საშუალო ფენის მხარდაჭერას. ის ასევე უფრო ეფექტურად იცავს ქალთა უფლებებს. ჰარისი არის ახალი სახე, ლიდერი, რომელიც ჰპირდება ცვლილებას უკეთესობისკენ.

რაც შეეხება დონალდ ტრამპს, მან თავისი კამპანია შიშის გაღვივებაზე ააგო. ტრამპი გამუდმებით იმეორებს, რომ ამერიკა უფსკრულისაკენ მიექანება და გადარჩენა სჭირდება. ტრამპი ბაიდენის ადმინისტრაციის ეკონომიკურ პოლიტიკას ისტორიაში ყველაზე ცუდს უწოდებს. დონალდ ტრამპი თვლის, რომ უკრაინის ომმა შესაძლოა  მსოფლიო ბირთვული ომი გამოიწვიოს. ტრამპი ამერიკელებს ქვეყნის დესტაბილიზაციით აშინებს. ტრამპის ამოცანაა ამომრჩევლის დაშინება, მუქარის ესკალაცია და დაპირება, რომ მხოლოდ ის გადაარჩენს ამერიკას ხელისუფლებაში მოსვლის შემდეგ.

ამრიგად, ჰარისი და ტრამპი ახორციელებენ საპირისპირო კამპანიის სტრატეგიებს. კამალა ჰარისი თავაზობს ცვლილებას და უკეთეს მომავალ. დონალდ ტრამპი ეყრდნობა შიშს და მოუწოდებს ამომრჩევლებს დაბრუნდნენ წარსულში, „ოქროს ხანაში“. ჰარისისა და ტრამპის ბრძოლა არის ბრძოლა მომავალსა და წარსულს შორის. შიშსა და იმედს შორის.

სიტუაციის პარადოქსი ის არის, რომ დონალდ ტრამპმა თავად მოამზადა ნიადაგი კამალა ჰარისის საარჩევნო კამპანიის წარმატებით დასაწყებად. როდესაც ჯო ბაიდენმა იყარა კენჭი მეორე ვადით, ის ცდილობდა ამომრჩევლისთვის დაემტკიცებინა, რომ მისი ადმინისტრაცია წარმატებით უმკლავდებოდა ყველა გამოწვევას საშინაო და საგარეო პოლიტიკაში. მისი კონკურენტი, დონალდ ტრამპი ამტკიცებდა, რომ შეერთებულ შტატებში ყველაფერი ცუდადაა და ქვეყანას ცვლილებები სჭირდება მის გადასარჩენად.

ბაიდენის კრიტიკით სწორედ ტრამპმა შექმნა ამერიკულ საზოგადოებაში ცვლილების მოთხოვნა. თუმცა, კამალა ჰარისმა ამ სიტუაციით წარმატებით ისარგებლა. ტრამპის კამპანიის სუსტი წერტილი ის არის, რომ მას არ შეუძლია მკაფიოდ ჩამოაყალიბოს როგორ აპირებს შეერთებული შტატების „გადარჩენას“. ის ამერიკელებს აშინებს, მაგრამ სიტუაციიდან გამოსვლის რეალისტურ გზებს არ სთავაზობს. მაგალითად, სატელევიზიო არხმა MSNBC-მ გააანალიზა შვიდი დაპირება, რომელიც ტრამპმა ამომრჩევლებთან შეხვედრისას გააკეთა https://www.msnbc.com/opinion/msnbc-opinion/trump-campaign-proposals-tax-cuts-rcna171853 ავტორის თქმით, ტრამპს არცერთი დაპირება არ დაუდასტურებია სამოქმედო პროგრამით და მისი დაპირებების შესრულების შანსები მინიმალურია.

საპრეზიდენტო კანდიდატების ფინანსური მხარდაჭერა ასევე დიდ როლს თამაშობს შეერთებულ შტატებში. კამალა ჰარისი საგრძნობლად უსწრებს დონალდ ტრამპს საარჩევნო კამპანიის თანხების მოზიდვით.

https://edition.cnn.com/2024/09/06/politics/kamala-harris-august-fundraising/index.html

თუმცა, დემოკრატიულ პარტიასთან დაახლოებული CNN-ის ანალიტიკოსები სიფრთხილეს გამოხატავენ თავიანთ პროგნოზებში. მაგალითად, CNN-ის ექსპერტი ჰარი ენტენი თავის სტატიაში ამტკიცებს, რომ ჰარისსა და ტრამპს შორის განსხვავება ჯერ კიდევ არ არის საკმარისად დიდი იმისთვის, რომ გამოვიტანოთ დასკვნები იმის შესახებ, თუ ვინ გაიმარჯვებს არჩევნებში. https://edition.cnn.com/2024/09/22/politics/closest-presidential-race-harris-trump/index.html

აშშ-ის საპრეზიდენტო კამპანია მიმდინარეობს საერთაშორისო დაძაბულობის ესკალაციის ფონზე და 5 ნოემბრამდე მრავალმა სხვა მოვლენებმა შეიძლება გავლენა მოახდინოს ამერიკელი ამომრჩევლების არჩევანზე.

ავთანდილ წულაძე – პოლიტოლოგი, პოლიტოლოგიის დოქტორი