სალომე ზურაბიშვილი დაუპირისპირდა ყველას და ყველაფერს, გარდა “ნაციონალური მოძრაობისა” და მისი კლონებისა – შალვა პაპუაშვილი

„სალომე ზურაბიშვილი დაუპირისპირდა ყველას და ყველაფერს ვისაც კი შეიძლება დაპირისპირებოდა. დაწყებული საქართველოს პარლამენტიდან, საქართველოს მთავრობა, ეროვნული ბანკი, სხვა ინსტიტუტები, საპატრიარქო, ყველას, „ნაციონალური მოძრაობის“ და მისი კლონების გარდა “,-ამის შესახებ პარლამენტის თავმჯდომარე შალვა პაპუაშვილმა ჟურნალისტებთან განაცხადა.

შალვა პაპუაშვილის თქმით, “ერთადერთი მიზეზი რატომაც სალომე ზურაბიშვილი ინარჩუნებს თავის თანამდებობას, არის „ნაციონალური მოძრაობის“ მხარდაჭერა”.

შალვა პაპუაშვილი პრეზიდენტსა და რადიკალურ ოპოზიციას შორის არსებულ პოლიტიკურ ალიანსზე საუბრობს და აღნიშნავს, რომ ერთადერთი ვისთანაც სალომე ზურაბიშვილს აქვს ურთიერთობა, არის რადიკალური ოპოზიცია.

„ნაციონალური მოძრაობის“ დღის წესრიგი, რომ შეენარჩუნებინათ სალომე ზურაბიშვილი იმ თანამდებობაზე იმისთვის, რომ შეერყია ქართული სახელმწიფოებრიობა, რა თქმა უნდა, პარლამენტს იმპიჩმენტი უნდა გამოეცხადებინა. უბედურება არის, რომ „ნაციონალური მოძრაობა“ ყველანაირ რყევას ხელს უწყობს. ამიტომ ერთადერთი ვისთანაც მას აქვს ურთიერთობა, ეს გახლავთ რადიკალური ოპოზიცია და ეს არის არა მხოლოდ ურთიერთობა, არამედ ეს არის სწორედ პოლიტიკური ალიანსი და მან კიდევ ერთხელ დაადასტურა. ერთ აბზაცში უარყოფს რომ თითქოს პოლიტიკაში არ არის, ან არ უნდა და მეორე აბზაცში იქვე ამბობს, რომ არათუ უნდა და ისწრაფვის, ის „ნაციონალური მოძრაობის“ ქოლგაც კი ყოფილა“-განაცხადა შალვა პაპუაშვილმა.