29 თებერვლის ასტროლოგიური პროგნოზი

ვერძი

საინტერესო და მოვლენებით დატვირთული დღეა. ბევრი სასიამოვნო სიურპრიზი და ახალი ნაცნობობა გელით. ყველა საქმეში, რომელიც ფინანსებს უკავშირდება, სიფრთხილე გამოიჩინეთ. საეჭვო გარიგებებს არ დათანხმდეთ და დიდ ხარჯებს მოერიდეთ. დროა ფულის დაგროვება დაიწყოთ და შესყიდვებს მოერიდოთ. გახსოვდეთ, რომ ზომიერი ფიზიკური აქტივობა თქვენს განწყობას და ჯანმრთელობას მნიშვნელოვნად გააუმჯობესებს.

კურო

არავის შესთავაზოთ თქვენი რჩევა ან დახმარება, თუ არ გთხოვენ. ინტუიცია არასწორ რჩევას გიკარნახებთ, ამიტომ ჯობია ლოგიკურად იფიქროთ და რაციონალურად იმოქმედოთ. შეგიძლიათ, თანამოაზრეებთან ერთად, საერთო გეგმებისა და ერთობლივი ღონისძიებების განხორციელება დაიწყოთ.

ტყუპები

ამ დღეს მოვლენები ქაოსურად ვითარდება და თქვენი მხრიდან სწრაფ რეაქციას მოითხოვს. კარგი იქნება, თუ თქვენს საქმიანობაში კოლეგებს ან მეგობრებს ჩართავთ და გუნდურად იმოქმედებთ. შესაძლოა, დღის მეორე ნახევარში მეგობარს თქვენი მხარდაჭერა დასჭირდეს და უარი არ უნდა უთხრათ. თავის ტკივილი და უძილობა ძლიერი განცდების შედეგია, ამიტომ ემოციები უნდა აკონტროლოთ.

კირჩხიბი

გირჩევთ, უპირატესობა ისეთ ინტელექტუალურ აქტივობებს მიანიჭოთ, როგორიცაა დებატები ან კოლეგებთან ახალი იდეების განხილვა. ამ დღეს გუნდური მუშაობა ინდივიდუალურზე უფრო წარმატებული და შედეგიანი იქნება, მთავარია, რომ გარშემო სანდო ადამიანები შემოიკრიბოთ. გახსოვდეთ, რომ ნაჩქარევად მიღებული გადაწყვეტილებები, იმედგაცრუების გარდა, არაფერს მოგიტანთ.

ლომი

გირჩევთ, ამ დღეს იხელმძღვანელოთ ცნობილი ანდაზით – ასჯერ გაზომე და ერთხელ გაჭერი, რადგან ამ დღეს დაშვებული შეცდომების გამოსწორება რთული იქნება. გადაწყვეტილების მიღებამდე მოფიქრებისთვის დამატებითი დრო ითხოვეთ, რათა ინფორმაცია გადაამოწმოთ. თუ გრძნობთ, რომ გარშემო მყოფთა რჩევა-დარიგებები გაღიზიანებთ, ეცადეთ, განმარტოებით იმუშაოთ.

ქალწული

ვარსკვლავები გირჩევენ, რომ საკუთარ „ნაჭუჭში“ არ ჩაიკეტოთ. სასურველია, რომ გარშემომყოფებს საკუთარი წარმატებების შესახებ უამბოთ და საინტერესო იდეები და გეგმები გაუზიაროთ. გამორიცხული არ არის, რომ მხიარულ წვეულებაზე მომავალი სპონსორი ან თანამოაზრე გაიცნოთ. ყურადღებით უსმინეთ თქვენ გარშემო საუბრებს და შესაძლოა, თქვენთვის სასიხარულო ინფორმაცია გაიგოთ.

სასწორი

ეს დღე საშუალებას მოგცემთ, თქვენი საუკეთესო თვისებები წარმოაჩინოთ და გარშემომყოფებზე ბევრი საინტერესო რამ გაიგოთ. მოულოდნელი საჩუქრები და ფინანსური შემოსავალი გელით და შესაძლოა, მოგებიანი გარიგებებიც დადოთ. ამ დღეს კომერციული საქმიანობისგან ძალიან შორს მდგარ სასწორებსაც კი უჩვეულოდ გამძაფრებული ბიზნესალღო აქვთ.

მორიელი

გირჩევთ, მიზნისკენ მშვიდად და ნაბიჯ-ნაბიჯ იაროთ. იფიქრეთ საკუთარ სიტყვებსა და ქმედებებზე, რათა უსიამოვნო სიტუაციაში არ მოხვდეთ. კარგი იქნება, თუ გადაწყვეტილების მიღებისას საკუთარი ცოდნით და გამოცდილებით იხელმძღვანელებთ და ინტუიციას არ ენდობით. შესაძლებლობა გექნებათ, რომ პროფესიული საკითხები არაფორმალურ გარემოში განიხილოთ და გავლენიანი ადამიანების მხარდაჭერა მიიღოთ.

მშვილდოსანი

თქვენმა სარკაზმმა შეიძლება საყვარელ ადამიანს გული ატკინოს, ამიტომ ვარსკვლავები გირჩევენ, საკუთარი სიტყვები და ემოციები აკონტროლოთ და ახლობელ ადამიანებთან უფრო რბილი და თავაზიანი იყოთ. თუ შესაძლებელია, საქმიანი შეხვედრები და მოლაპარაკებები სამომავლოდ გადადეთ, რადგან ამ დღეს სასურველი შედეგის მიღება გაგიჭირდებათ. ყურადღებით იყავით – არსებობს დამატებითი შემოსავლის მიღების შესაძლებლობა.

თხის რქა

გირჩევთ, მკაფიო სამოქმედო გეგმა შეადგინოთ და ნაბიჯ-ნაბიჯ მიჰყვეთ. ამ დღეს ნებისმიერი წვრილმანი მნიშვნელოვანია, ამიტომ განსაკუთრებული ყურადღება უნდა გამოიჩინოთ. გაითვალისწინეთ, რომ დღეს დღეს თქვენს საქმეებში ჩარევა ბევრს მოუნდება და მხოლოდ თქვენ უნდა გადაწყვიტოთ, ვის მისცეთ ამის უფლება და ვის არა.

მერწყული

სავარაუდოდ, ფინანსური სირთულეები გელით. ბოლოდროინდელი ხელგაშლილობა თქვენს ოჯახურ ბიუჯეტზე უარყოფითად აისახა, ამიტომ ქამრების შემოჭერა და ფულის დაზოგვა მოგიწევთ. აკონტროლეთ საკუთარი სიტყვები, რომ საყვარელი ადამიანები არ გაანაწყენოთ. მოერიდეთ სადავო თემებზე საუბარს, ეცადეთ მეტი დათმოთ და დაეთანხმოთ.

თევზები

თქვენი კრიტიკული შენიშვნებით შეიძლება ვიღაც ძალიან გაანაწყენოთ, გაფუჭებული ურთიერთობის აღდგენა კი არც ისე ადვილი იქნება. გამორიცხული არ არის, რომ უსიამოვნო სიტუაციაში მოხვდეთ, ამიტომ ვარსკვლავები გირჩევენ, უსმინოთ და ნაკლები ისაუბროთ.