დონალდ ტრამპი “რესპუბლიკელ” კანდიდატებს შორის ისევ ლიდერობს

დონალდ ტრამპი „რესპუბლიკელ“ კანდიდატებს შორის ისევ ლიდერობს. მორიგი საზოგადოებრივი აზრის კვლევა „ეი-ბი-სი ნიუსსა“ და „იფსოს“ ეკუთვნის. გამოკითხვის მიხედვით, „რესპუბლიკელი“ ამომრჩევლების 68 პროცენტი მიიჩნევს, რომ დონალდ ტრამპს საპრეზიდენტო არჩევნებში გამარჯვების ყველაზე დიდი შანსი აქვს.

ტრამპის კონკურენტმა რომ დესანტისმა კი მხარდამჭერთა მხოლოდ 11 პროცენტის აღება მოახერხა. პარალელურად ამომრჩევლები მიიჩნევენ, რომ დონალდ ტრამპი ყველაზე ძლიერი ლიდერი და პრეზიდენტობის ყველაზე კვალიფიციური კანდიდატია.

ახალი საზოგადოებრივი აზრის კვლევა აიოვას შტატში წინასაარჩევნო დებატების, დაწყების პარალელურად გამოქვეყნდა. ამავე შტატში წინასაარჩევნო კამპანიის ფარგლებში, ღონისძიებაზე დონალდ ტრამპმა ჯოზეფ ბაიდენი კიდევ ერთხელ გააკრიტიკა.