ევროპა რუსეთის აგრესიის სამიზნეა, სწორედ ამიტომ კონტინენტი სამხედრო თვალსაზრისით უფრო ძლიერი უნდა იყოს, ვიდრე რუსეთი, რათა საკუთარი საზღვრები დაიცვას – დონალდ ტუსკი
სტრატეგიული პერსპექტივიდან ევროპა რუსეთის აგრესიის სამიზნეა, სწორედ ამიტომ კონტინენტი სამხედრო თვალსაზრისით უფრო ძლიერი უნდა იყოს, ვიდრე რუსეთი, რათა საკუთარი საზღვრები დაიცვას, – ამის შესახებ პოლონეთის პრემიერ-მინისტრმა, დონალდ ტუსკმა განაცხადა.
ტუსკის ინფორმაციით, შეიქმნება კომიტეტი, რომელიც პოლონეთის საზღვრების უსაფრთხოების გაუმჯობესებაზე იმუშავებს, განსაკუთრებით კი – საჰაერო სივრცის და აღმოსავლეთ ფლანგის განვითარებაზე.
ტუსკი ასევე აღნიშნავს, რომ რუსეთის ეკონომიკა უკვე გადავიდა სამხედრო შეიარაღების სისტემაზე და ევროპა გაცილებით ჩამორჩება მას. მისივე თქმით, სწორედ ამიტომაა საჭირო სამხედრო შეიარაღების სისტემაზე გადასვლა.
„ეს ნიშნავს ერთ რამეს: ევროპა დაუცველი იქნება რუსეთის პირდაპირი თავდასხმისგან მომდევნო რამდენიმე წლის განმავლობაში. არავის უნდა შეეპაროს ეჭვი, რომ, სტრატეგიული თვალსაზრისით, ევროპა არის რუსული აგრესიის სამიზნე და ეს მოხდება მაშინ, როდესაც რუსეთის უპირატესობა სამხედრო შესაძლებლობების თვალსაზრისით ნათელი იქნება“, – განაცხადა ტუსკმა.
პოლონეთის პრემიერის თქმით, უკრაინის ვითარებასთან დაკავშირებით საჭიროება არის ის, რომ ევროპა სამხედრო თვალსაზრისით უფრო ძლიერი უნდა იყოს, ვიდრე რუსეთი და ეს არის ევროპისა და პოლონეთის საზღვრების დაცვის ერთადერთი გზა.
