5 მაისის ასტროლოგიური პროგნოზი

ვერძი

ამ დღეს სიახლეებს სხვადასხვა წყაროდან მიიღებთ, მაგრამ ყველას ნუ ენდობით. თქვენი ამოცანაა, ყველა ინფორმაცია „გაფილტროთ“ და დაადგინოთ, ვინ ცდილობს თქვენს მოტყუებას. ნუ დაიწყებთ საქმეს, რომელიც მატერიალურ სარგებელს არ მოიტანს, არ ჩაერთოთ ცარიელ საუბრებში და გაუფრთხილდით თქვენს ძვირფას დროს. ნუ ჩაიკეტებით საკუთარ სამყაროში, უფრო მეტად ეკონტაქტეთ სხვა ადამიანებს, იცხოვრეთ აქტიური ცხოვრებით.

კურო

ნუ დანებდებით კამათში, თუკი საკუთარ სიმართლეში დარწმუნებული ხართ. პირად ურთიერთობებში შეიძლება სირთულეები გაჩნდეს. ეცადეთ, საყვარელ ადამიანს მეტი ყურადღება მიაქციოთ და მისთვის კეთილი სიტყვების თქმა არ დაგავიწყდეთ. აჩქარებამ შეიძლება საბედისწერო შეცდომა გამოიწვიოს, ამიტომ მშვიდად იმუშავეთ და ინფორმაცია საგულდაგულოდ გადაამოწმოთ.

ტყუპები

რაც შეიძლება მეტის გაკეთების სურვილმა შეიძლება საპირისპირო შედეგი გამოიწვიოს. შეადგინეთ დღის მკაფიო გეგმა, განსაზღვრეთ პრიორიტეტები და ეცადეთ, პრობლემები ეტაპობრივად მოაგვაროთ. თქვენს მონდომებას და ეფექტიან მუშაობას მენეჯმენტი აუცილებლად შეამჩნევს. პროფესიული კუთხით მნიშვნელოვან ნაბიჯებს გადადგამთ, რაც წარმატებას მოგიტანთ. საჭიროების შემთხვევაში დახმარების თხოვნა არ მოგერიდოთ.

კირჩხიბი

შესაძლოა, ამ დღეს აიღოთ ვალდებულებები, რომლებსაც ვერ შეასრულებთ. თქვენი ძლიერი მხარეები გათვალეთ და ყველაფრის ერთდროულად გაკეთებას ნუ ეცდებით. პირადი ურთიერთობები შეიძლება გაუარესდეს. ამჟამად ყველაზე მეტად მეგობრების რჩევა გჭირდებათ, თუმცა მხოლოდ ამ რჩევებს თუ დაეყრდნობით, იმედგაცრუება გელით.

ლომი

თუ ნებისყოფას და მონდომებას გამოიჩენთ, ამ დღეს შეიძლება თქვენი ძველი ოცნება ახდეს. უახლოეს ხანებში კარიერული წინსვლა და დიდი წარმატება გელით. 5 მაისი ხელსაყრელი დღეა საჭირო კავშირების დასამყარებლად. გახსოვდეთ, სულიერი ჰარმონია, სიმშვიდე და დიდსულოვნება წარმატების საწინდარია. თქვენმა მომხიბვლელობამ შეიძლება სასწაულები მოახდინოს.

ქალწული

ნუ დადებთ ფსონს უიმედო საქმეზე, რომელიც სარგებელს არ მოგიტანთ. ეს საქმე ცოტა ხნით გვერდით გადადეთ და გააკეთეთ რაიმე მარტივი და სასიამოვნო. ადამიანები, რომლებსაც დღეს შეხვდებით, სამომავლო პროექტებში დაგეხმარებიან ან, უბრალოდ, თქვენი კარგი მეგობრები გახდებიან. ეცადეთ, ფული უფრო ეკონომიურად ხარჯოთ. შესაძლოა, საყვარელ ადამიანთან ურთიერთობა ჩიხში შევიდეს და მხოლოდ თქვენზეა დამოკიდებული, დაშორდებით თუ სირთულეებს გადალახავთ.

სასწორი

დასვენების, სულიერი გარდაქმნისა და ეჭვებისგან გათავისუფლების დღეა, რომელიც ახალ შეხვედრებსა და საინტერესო ნაცნობობას გპირდებათ. გამორიცხული არ არის, რომ ამ დღეს დიდი ხნის წინ დაწყებული საქმე დაასრულოთ. სასწორები ყურადღებიანები და აქტიურები არიან, ერთდროულად რამდენიმე საკითხის მოგვარება შეუძლიათ. არ დაეთანხმოთ საეჭვო შეთავაზებებს, რომ უსიამოვნო სიტუაცია თავიდან აიცილოთ.

მორიელი

მუშაობის დროს მხოლოდ გამოცდილი მეთოდები გამოიყენეთ, რომლებშიც დარწმუნებული ხართ. სარისკო ექსპერიმენტებისა და საშიში თავგადასავლებისგან თავი უნდა შეიკავოთ. უარს ნუ ეტყვით დახმარებაზე ადამიანს, რომელიც ამას გთხოვთ. პირად ურთიერთობებში ინიციატივა არ უნდა გამოიჩინოთ. ისიამოვნეთ იმით, რაც გაქვთ, სიტუაციის შეცვლას ნუ ეცდებით – გეგმები შეიძლება შეიცვალოს, ურთიერთობა ყალბი აღმოჩნდეს, ძალისხმევა კი არავითარ შედეგს არ მოიტანს.

მშვილდოსანი

ამ დღეს მხოლოდ ფინანსურ პრობლემებზე და დამატებითი შემოსავლის მიღებაზე ფიქრობთ. სასურველია, რომ სამოქმედო გეგმა შეადგინოთ და პროფესიონალებს რჩევა ჰკითხოთ, თუმცა საკუთარი იდეის განხორციელება სამომავლოდ უნდა გადადოთ. იყავით კრიტიკული საკუთარი თავისა და გარშემომყოფი ადამიანების მიმართ. ახლა ყველაზე მეტად სიფრთხილე და ყურადღება გჭირდებათ.

თხის რქა

თუ ბევრი გასაკეთებელი საქმე დაგიგროვდათ, ვარსკვლავები გირჩევენ, განმარტოებით იმუშაოთ, რათა საუბრებმა ყურადღება არ გაგიფანტოთ და ძვირფასი დრო არ დაკარგოთ. თქვენს ახლობლებს თქვენი ზრუნვა და ყურადღება სჭირდებათ. საპირისპირო სქესის წარმომადგენელთან წარმატებულ ურთიერთობას გააბამთ, თუმცა ზედმეტმა აჩქარებამ და მეტოქეების ჩარევამ შეიძლება ნეგატიურად იმოქმედოს.

მერწყული

დაღლილობა საშუალებას არ მოგცემთ, რომ სერიოზული სამუშაო შეასრულოთ, ამიტომ გირჩევთ, რაიმე მარტივი აქტივობა დაგეგმოთ, რომელიც დიდ გონებრივ და ფიზიკურ ძალისხმევას არ მოითხოვს. საინტერესო წიგნის წაკითხვა საუკეთესო არჩევანი იქნება.

თევზები

აქტიური და ნაყოფიერი დღეა. სავარაუდოდ, ბევრი პრობლემის მოგვარება, კოლეგებთან ურთიერთობა და დისკუსიებში ჩართვა მოგიწევთ. ვარსკვლავები გირჩევენ, რომ დასვენების შესახებ არ დაივიწყოთ და ზედმეტად არ დაიტვირთოთ. დიდხანს ნუ იფიქრებთ – დასთანხმდით ნებისმიერ საქმიან წინადადებას, რომელსაც ამ დღეს შემოგთავაზებენ. პირად ცხოვრებაში სერიოზული გადაწყვეტილებების მიღება მოგიწევთ.