1. Home
  2. TOP სიახლე
  3. 28 იანვრის ასტროლოგიური პროგნოზი
28 იანვრის ასტროლოგიური პროგნოზი

28 იანვრის ასტროლოგიური პროგნოზი

2.37K
0

ვერძი

ამბავი, რომელსაც ამ დღეს გაიგებთ, თქვენს ცხოვრებას უკეთესობისკენ შეცვლის. უცნობ ადამიანებთან ურთიერთობას ნუ გაურბიხართ – სწორედ ეს ურთიერთობა გიბიძგებთ საინტერესო იდეისკენ და სიამოვნებას მოგანიჭებთ. თუ გადაწყვეტილების მიღება გიჭირთ, საკუთარ ინტუიციას უნდა ენდოთ – დღეს ის მხოლოდ სწორ რჩევას მოგცემთ.

კურო

შესაძლოა, უსარგებლო ნივთებზე მეტისმეტად ბევრი ფული დახარჯოთ, ამიტომ ჯობს, შოპინგი სამომავლოდ გადადოთ და საყოფაცხოვრებო საქმეების დასრულებაზე იზრუნოთ. ხელსაყრელი დღეა ახალი საქმეების ან პროექტების დაწყებისთვის. მოსალოდნელია ოდესღაც გაწყვეტილი ურთიერთობების თქვენი ინიციატივით აღდგენა და მნიშვნელოვან საბუთებზე ხელის მოწერა.

ტყუპები

მშვენიერი დღეა სახლში ინტერიერის შეცვლის ან რემონტის დაწყებისთვის. შეიძლება გაიცნოთ ადამიანი, რომელიც თავის სფეროში „იდეების გენერატორია“ და თქვენც შესანიშნავ იდეებს მოგაწვდით. პოზიტიური ემოციების წყურვილი დაუფიქრებელი მოქმედებისკენ გიბიძგებთ, რომელსაც მალე ინანებთ. თავი შეიკავეთ დაუგეგმავი ხარჯებისგან და ეცადეთ, ფულის დაგროვება დაიწყოთ.

კირჩხიბი

ამ დღეს ბევრი რამ გაქვთ გასაკეთებელი, მაგრამ ეს აჩქარებას და უყურადღებობას არ გაამართლებს. სასურველია, რომ გადაწყვეტილების მისაღებად დრო ითხოვოთ და რჩევა გამოცდილ ადამიანებს სთხოვოთ. ახლობელი ადამიანების შენიშვნებმა არ უნდა გაგაბრაზოთ – ისინი შეცდომებისგან თქვენს დაცვას ცდილობენ.

ლომი

სანამ მოქმედებას დაიწყებთ, ყველა ინფორმაცია ყურადღებით უნდა გადაამოწმოთ. ნუ მიიღებთ გადაწყვეტილებებს ძალიან სწრაფად, რათა შეცდომები თავიდან აიცილოთ. ემოციური დონე ამაღლებულია, ამიტომ ემოციების კონტროლი და სიტუაციაზე მშვიდად რეაგირება გმართებთ. საყვარელ ადამიანებთან საუბარი სიმშვიდეს დაგიბრუნებთ. დღის მეორე ნახევარი ხელსაყრელია ფინანსური და ქონებრივი საკითხების განხილვისთვის – ინტუიცია არ გიღალატებთ.

ქალწული

თუ რჩევა ან ავტორიტეტული აზრი გჭირდებათ, პროფესიონალებს უნდა მიმართოთ. უახლოეს ადამიანთან ურთიერთობაში შეიძლება დაძაბული სიტუაცია შეიქმნას. ეცადეთ, საკუთარი აზრი დაიცვათ და მსხვერპლის პოზიციას ნუ შეეგუებით. ამ დღეს შეთავაზებებზე უარის თქმას გირჩევთ – სავარაუდოდ, ისინი სარგებელს არ მოგიტანენ. ზოგი ქალწული იმ ურთიერთობის გაწყვეტაზე ფიქრობს, რომელსაც სულ ახლახან ძალიან აფასებდნენ. ნუ აჩქარდებით – ამის მიზეზი არ არსებობს.

სასწორი

ეცადეთ, ამ დღეს ფული ეკონომიურად ხარჯოთ – შეძენილი ნივთები კმაყოფილებას არ მოგიტანთ და მალე ფულის დახარჯვას ინანებთ. არ დაიჯეროთ ყველაფერი, რასაც ამ დღეს გაიგებთ და გადაამოწმეთ ნებისმიერი ინფორმაცია, სანამ მის გამოყენებას გადაწყვეტთ. დღის მეორე ნახევარში სამსახურსა თუ კომერციულ საქმიანობასთან დაკავშირებით ახალი იდეები გეწვევათ. შესაძლოა, დადოთ გარიგება, რომელიც მნიშვნელოვან მოგებას მოგიტანთ. ყურადღებით იყავით – არსებობს საკვებით მოწამვლის შანსი.

მორიელი

საყვარელ ადამიანებს შორის ურთიერთობა შეიძლება ორმხრივმა ეჭვებმა და უსაფუძვლო პრეტენზიებმა გააფუჭოს. ვარსკვლავები გირჩევენ, რომ საკუთარი აზრი თქვენთვის შეინახოთ და ახლობელი ადამიანი არ შეურაცხყოთ. თუ რთული არჩევანის გაკეთება გიწევთ, საკუთარ ინტუიციას უნდა უსმინოთ – ის არ გიღალატებთ. დღის მეორე ნახევარში ფიზიკური აქტივობისგან თავი უნდა შეიკავოთ.

მშვილდოსანი

ამ დღეს მნიშვნელოვანი გადაწყვეტილებების მიღებას უნდა მოერიდოთ – გირჩევთ, ყველა საუბარი და დისკუსია მომდევნო დღისთვის გადადოთ. შესაძლოა, წარსულის რომელიღაც პრობლემასთან გამკლავება შეძლოთ. მოსალოდნელია სირთულეები, მაგრამ მათი გადაჭრის გზას და შესაძლებლობას აუცილებლად იპოვით. ბევრი საკითხის მოგვარებას, რომელიც ბოლო დროს გაწუხებთ, ძველი ნაცნობების დახმარებით შეძლებთ. ცვლილებები თქვენგან გარკვეულ ძალისხმევას მოითხოვს, ამიტომ ჯობია, ცოტა მოიცადოთ.

თხის რქა

პიროვნული ხიბლი დაგეხმარებათ, რომ საჭირო ადამიანების კეთილგანწყობა მოიპოვოთ და სასურველი მარტივად მიიღოთ. ახალ ნაცნობებზე ისეთ შთაბეჭდილებას მოახდენთ, რომ მზად არიან, თქვენს ნებისმიერ იდეას მხარი დაუჭირონ. გარეგნობის ან გარდერობის შეცვლა თავდაჯერებას შეგმატებთ და განწყობას აგიმაღლებთ.

მერწყული

წარმატებული და საინტერესო დღეა. ეცადეთ, ბევრი ახალი ადამიანი გაიცნოთ და ბევრი ახალი ადგილი მოინახულოთ. სასურველია ძველი მეგობრების გახსენება, რომლებიც დიდი ხანია არ გინახავთ – მალე მათი დახმარება დაგჭირდებათ. ეს დღე საშუალებას მოგცემთ, თქვენი საუკეთესო თვისებები წარმოაჩინოთ და გარშემო მყოფებზე ბევრი საინტერესო რამ გაიგოთ.

თევზები

ამ დღეს სასიყვარულო ურთიერთობებს განსაკუთრებული ყურადღება უნდა მიაქციოთ. სავარაუდოდ, თქვენს გარემოცვაში გარკვეული პრობლემები დაგროვდა, რაც გულწრფელ საუბარს და გამოსავლის პოვნას მოითხოვს. გირჩევთ, პარტნიორს საკუთარი გრძნობებისა და გამოცდილების შესახებ უამბოთ და მისი აზრი გაითვალისწინოთ. პატივი ეცით გარშემომყოფთა პირად სივრცეს.