1. Home
  2. TOP სიახლე
  3. 20 წლის ბიჭის ცხედარი მისმა თანატოლებმა საბარგულში მოათავსეს და ტყის პირას დამარხეს
20 წლის ბიჭის ცხედარი მისმა თანატოლებმა საბარგულში მოათავსეს და ტყის პირას დამარხეს

20 წლის ბიჭის ცხედარი მისმა თანატოლებმა საბარგულში მოათავსეს და ტყის პირას დამარხეს

355
0

ქობულეთის მუნიციპალიტეტის ერთ-ერთ სოფელში მომხდარ მკვლელობის ფაქტთან დაკავშირებით შინაგან საქმეთა სამინისტრომ სამი პირი დააკავა; მათგან ერთი – დანაშაულის დაფარვის ბრალდებით, ორი პირი კი – განსაკუთრებით მძიმე დანაშაულის შეუტყობინებლობისთვის.

როგორც შსს-ს ინფორმაციაშია აღნიშნული, 2003 წელს დაბადებული გ.ა.-ს გაუჩინარების შესახებ უწყებაში შესული შეტყობინების საფუძველზე დაწყებული გამოძიების მსვლელობისას დადგინდა, რომ გაუჩინარებული პირი მოკლულია.

შსს-ს ცნობითვე, გამოძიებისთვის ცნობილი გახდა, რომ მკვლელობის ჩამდენმა პირმა, 2003 წელს დაბადებულმა ა.ბ.-მ 19 მაისს, გ.ა.-ს გაუჩინარების შესახებ შინაგან საქმეთა სამინისტროში შეტყობინების შესვლამდე, ქვეყანა დატოვა.

„შინაგან საქმეთა სამინისტროს აჭარის პოლიციის დეპარტამენტში, მიმდინარე წლის 22 მაისს შემოვიდა შეტყობინება, 2003 წელს დაბადებული გ.ა.-ს გაუჩინარების შესახებ, რის საფუძველზეც პოლიციამ გამოძიება სისხლის სამართლის კოდექსის 143-ე მუხლის პირველი ნაწილით დაიწყო.

გამოძიების მსვლელობისას დადგინდა, რომ მიმდინარე წლის 16 მაისს გ.ა. მეგობრებთან ერთად ქობულეთის მუნიციპალიტეტის ერთ-ერთ სოფელში, მეგობრის საცხოვრებელ სახლში იმყოფებოდა.

ურთიერთშელაპარაკების ნიადაგზე 2003 წელს დაბადებულმა ა.ბ.-მ ცივი იარაღით რამდენიმე ჭრილობა მიაყენა გ.ა.-ს.

მიყენებული დაზიანებების შედეგად ახალგაზრდა მამაკაცი შემთხვევის ადგილზე გარდაიცვალა.

დანაშაულის დაფარვის მიზნით, ბრალდებულმა და 2003 წელს დაბადებულ ა.ა.-მ გ.ა.-ს ცხედარი ავტომობილის საბარგულში მოათავსეს და სოფლიდან მოშორებით, ტყის პირას დამარხეს.

სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად ა.ა. დანაშაულის დაფარვის ბრალდებით მომხდარიდან რამდენიმე დღეში დააკავეს.

გამოძიებით ასევე დადგინდა, რომ გ.ა.-ს მკვლელობის ფაქტს შეესწრნენ: 2003 წელს დაბადებული დ.მ. და ამავე წელს დაბადებული ლ.ჯ., თუმცა პოლიციას მომხდარი დანაშაულის შესახებ არ შეატყობინეს.

სამართალდამცველებმა ორივე პირი განსაკუთრებით მძიმე დანაშაულის შეუტყობინებლობისთვის დააკავეს.

გამოძიებისთვის ცნობილი გახდა, რომ მკვლელობის ჩამდენმა პირმა, 2003 წელს დაბადებულმა ა.ბ.-მ 19 მაისს, გ.ა.-ს გაუჩინარების შესახებ შინაგან საქმეთა სამინისტროში შეტყობინების შესვლამდე, ქვეყანა დატოვა.

სამართალდამცველების მიერ აღნიშნულ პირს მკვლელობის ფაქტზე ბრალი დაუსწრებლად წარედგინება.
გამოძიება საქართველოს სისხლის სამართლის კოდექსის 108-ე, 375- მუხლის მე-2 და 376-ე მუხლის მე-2 ნაწილით მიმდინარეობს, რაც განზრახ მკვლელობას, განსაკუთრებით მძიმე დანაშაულის შეუტყობინებლობას და დაფარვას გულისხმობს“, – აღნიშნულია ინფორმაციაში.