1. Home
  2. TOP სიახლე
  3. 20 იანვრის ასტროლოგიური პროგნოზი
20 იანვრის ასტროლოგიური პროგნოზი

20 იანვრის ასტროლოგიური პროგნოზი

2.51K
0

ვერძი

იზრუნეთ მიცემული პირობის და საკუთარი ვალდებულებების შესრულებაზე. შესაძლოა, საქმე, რომელსაც ახლა აკეთებთ, მოსაწყენი გეჩვენებათ, მაგრამ მის დასრულებამდე ახლის დაწყება არასასურველია. ახლობელ ადამიანს, რომელიც ბევრჯერ უანგაროდ დაგეხმარათ, ამჯერად თქვენი დახმარება სჭირდება.

კურო

ყოველმხრივ ხელსაყრელი დღეა, რომელიც სასურველია მეგობრებთან ერთად, მხიარულად გაატაროთ. თუ დღეს სახლიდან გასვლის სურვილი არ გაქვთ, ეცადეთ, ისეთი რამე აკეთოთ, რაც სიამოვნებას მოგანიჭებთ. იდეა, რომელიც ამ დღეს თავში მოგივათ შეიძლება, მალე განახორციელოთ და შემოსავალი მიიღოთ.

ტყუპები

დაივიწყეთ სამსახური და მუშაობა! თქვენ დაიმსახურეთ, რომ ეს დღე მთლიანად დასვენებას და საყვარელ საქმიანობას დაუთმოთ. ვარსკვლავების აზრით, ახლა ყველაზე მეტად ემოციური განტვირთვა და დასვენება გჭირდებათ. დღის მეორე ნახევარში შესაძლოა, ოჯახის უფროს წევრებს ან ნათესავებს თქვენი დახმარება დასჭირდეთ და ეცადეთ, მათთან მეტი დრო გაატაროთ.

კირჩხიბი

ეს ისეთი დღეა, რომ სახლში ყოფნის სურვილს გაგიქრობთ. გადით გარეთ და გაერთეთ – დატვირთული კვირის ბოლოს თქვენ ეს დაიმსახურეთ. გირჩევთ, ოჯახის წევრებს საკუთარი გეგმები და იდეები გაუზიაროთ. ასეთ საუბრებში გაიგებთ, რა მიმართულებით უნდა იმოძრაოთ. საჭირო ადამიანების მხარდაჭერის მოსაპოვებლად მოგიწევთ, დიპლომატიური ნიჭი გამოიყენოთ.

ლომი

გირჩევთ დღის პირველი ნახევარი მომავალი კვირის გეგმების შედგენას დაუთმოთ. გამორიცხული არ არის, რომ რთული ამოცანის წინაშე აღმოჩნდეთ. იმაზე, თუ როგორ მოაგვარებთ მას, ბევრი რამ არის დამოკიდებული. შესაძლოა თქვენგან საბოლოო გადაწყვეტილების მიღება ან ისეთი ნაბიჯის გადადგმა მოითხოვონ, რომელიც თქვენს ცხოვრებას შეცვლის.

ქალწული

ვარსკვლავები გირჩევენ, რომ ეს დღე სახლის ან სამუშაო სივრცის დასუფთავებას და მოწესრიგებას დაუთმოთ. ეცადეთ, ჯანმრთელობას მეტი ყურადღება მიაქციოთ, ჯანსაღი კვება, ვარჯიში, ვიტამინები, სრულფასოვანი ძილი და სუფთა ჰაერი თავს გაცილებით უკეთ გაგრძნობინებთ.

სასწორი

ამ დღეს საქმე უნდა დაივიწყოთ და ძალების აღდგენაზე იზრუნოთ. ბოლო დროს ძალიან ბევრს მუშაობთ და დასვენების დღე სრულად უნდა გამოიყენოთ. ხელსაყრელი დღეა იმისთვუი, რომ სახლი მოაწესრიგოთ და ავეჯს ადგილი შეუცვალოთ. ვარსკვლავები მარტოხელა სასწორებს რომანტიკულ ნაცნობობას ჰპირდებიან, ამიტომ მთელ დღეს ოთხ კედელში ნუ გაატარებთ.

მორიელი

ამ დღეს ამაღლებული ემოციური ფონი ახლავს. გახსოვდეთ, რომ უკმაყოფილების გამოხატვით და უხეში შენიშვნებით სიტუაციას უფრო გაამწვავებთ, პრობლემას კი ვერ გადაჭრით, ამიტომ ჯობს, განმარტოვდეთ და მშვიდი, სასიამოვნო საქმეები აკეთოთ. არახელსაყრელი დღეა ახალი საქმის დასაწყებად.

მშვილდოსანი

მშვენიერი დღეა იმისთვის, რომ დიდი ხნის მანძილზე დაგროვილი საოჯახო საქმეების მოწესრიგებაზე იზრუნოთ ან საყვარელ ადამიანს გული გადაუშალოთ. ეცადეთ, საქმიანი მოლაპარაკების დასაწყებად დიპლომატია გამოიყენოთ, რათა საჭირო ადამიანების მხარდაჭერა მოიპოვოთ.

თხის რქა

ყველა საქმე, პრობლემა და დავალება სამომავლოდ გადადეთ – ეს დღე მთლიანად დასვენებას და სიამოვნებას უნდა დაუთმოთ. ამ დღეს საკუთარი გეგმების შესახებ არავის არაფერი უამბოთ – თქვენს გარემოცვაში არაკეთილსინდისიერი ადამიანია, რომელიც შეეცდება გეგმის განხორციელებაში ხელი შეგიშალოთ.

მერწყული

ვარსკვლავები გირჩევენ, რომ ეს დღე მეგობრებთან და ოჯახის წევრებთან ერთად გაატაროთ. საინტერესო ამბები, მოვლენები ან ახალი გეგმები გელით, რომლებიც თქვენს ცხოვრებას უფრო მრავალფეროვანს გახდის. შესაძლოა, შეხვდეთ ადამიანს, რომელიც დიდხანს არ გინახავთ და მისგან მნიშვნელოვანი ინფორმაცია მიიღოთ.

თევზები

ამ დღეს ნებისმიერ წვრილმანს ყურადღება უნდა მიაქციოთ და ნებისმიერი რისკი გაითვალისწინოთ. სიფრთხილე და წინდახედულობა შეცდომებისგან დაგიცავთ. ეცადეთ პირად ურთიერთობებში მეტი ყურადღება გამოიჩინოთ და თქვენი პარტნიორის საჭიროებები გაითვალისწინოთ. ვარსკვლავები გაფრთხილებენ, რომ დღეს საქმეში ექსპერიმენტების ნებისმიერი მცდელობა უარეს შემთხვევაში საზიანო იქნება, უკეთეს შემთხვევაში კი არაეფექტური.