ვინც ეკლესიას მტრობს და მისდამი სიძულვილით გამორჩევა, ფაქტობრივად, ჩვენი ქვეყნის მტერია – რატი იონათამიშვილი

მმართველი გუნდი, რელიგიურ საკითხებთან დაკავშირებით, ბოლო პერიოდში, სხვადასხვა პოლიტიკოსის მიერ გაკეთებულ განცხადებებს კიდევ ერთხელ ეხმიანება.

პარლამენტის ფრაქცია “ქართული ოცნების” თავმჯდომარის პირველი მოადგილე, რატი იონათამიშვილი აცხადებს, რომ ეკლესიის სიძულვილი ქვეყნის სიძულვილს ნიშნავს და მსგავსი განცხადებებით პოლიტიკოსები, პირველ რიგში, საკუთარი თავის ლუსტრაციას ახდენენ.

“ეს ადამიანები აშკარა სიძულვილს გამოხატავენ საქართველოს ეკლესიისადმი და ეს არის სიძულვილი ჩვენი ქვეყნის ისტორიის, წარსულისა და აწმყოს მიმართ. ამით ისინი ლუსტრაციას ახდენენ, იმ მიზნების, რომლებიც აქვთ დასახული, ან, რომლებიც სხვებმა დაუსახეს.

ფაქტობრივად, ჩვენს საზოგადოებას ამით ეძლევა იმის შესაძლებლობა, რომ ძალიან მარტივად გამოიტანოს დასკვნები და თავისი სახელი დაარქვას ყველას. ვინც ეკლესიას მტრობს და მისდამი სიძულვილით გამორჩევა, ფაქტობრივად, ჩვენი ქვეყნის მტერია”, – განაცხადა რატი იონათამიშვილმა.