![“ვილნიუსის სამიტი ღონისძიების დაწყებამდე ისტორიული გახდა”- იენს სტოლტენბერგი](https://gttv.ge/wp-content/uploads/2023/03/iens_stoltenbergi_dfdfd.jpg)
“ვილნიუსის სამიტი ღონისძიების დაწყებამდე ისტორიული გახდა”- იენს სტოლტენბერგი
სამიტი ღონისძიების დაწყებამდე ისტორიული გახდა, რადგან შვედეთი გახდება ნატოს წევრი, – ამის შესახებ ნატოს გენერალურმა მდივანმა იენს სტოლტენბერგმა განაცხადა. მან აღნიშნა, რომ შვედეთის გაწევრიანება კარგია ნატოსთვის, შვედისა და თურქეთისთვის. მან უკრაინისადმი მხარდაჭერაზეც ისაუბრა.
„ლიდერები მხარდაჭერის ძლიერ სიგნალს გაუგზავნიან უკრაინას. უკრაინაში ომი გადაიქცა ლოგისტიკის ბრძოლად. რაც უფრო გრძელდება ომი, მით უფრო მეტი იარაღია საჭირო. ვზრდით წარმოებას მაქსიმალურად. ამ ძალისხმევას ექნება შედეგი. თითოეული წევრი ქვეყანა წყვეტს რა ტიპის იარაღს გადასცემს უკრაინას. რაც შეეხება კლასტერულ ბომბებს, ორივე მხარე უკვე იყენებს ამ იარაღს. აქვე უნდა განვმარტოთ, რომ რუსეთი კლასტერულ ბომბებს იყენებს მეზობელი სახელმწიფოს წინააღმდეგ და სხვისი ტერიტორიის მისათვისებლად, უკრაინა კი კლასტერულ ბომბებს იყენებს საკუთარი ქვეყნის, ტერიტორიის დასაცავად.
რაც შეეხება უკრაინის მომავალ გაწევრიანებას ნატოში, „მაპის“ აუცილებლობის მოხსნა მე მაისში ინიციატივის სახით წარვადგინე უკრაინის მხარდაჭერის პაკეტში, რაც ნატო- უკრაინის საბჭოს და მრავალწლიან გეგმას ითვალისწინებს. ბუქარესტის სამიტის შემდეგ „მაპის“ აუცილებლობა ჩაიწერა, მას შემდეგ ბევრი წელი გავიდა და უკრაინა დღეს უფრო ახლოა ნატოსთან. „მაპის“, როგორც შემდეგი ნაბიჯის მოხსნა, უკრაინის ნატოში გაწევრიანებას ხელს შეუწყობს. თქვენ ნახავთ რამდენიმე საათში ზუსტ ჩანაწერს უკრაინის შესახებ“, – განაცხადა სტოლტენბერგმა.